Կողբի մշակույթի կենտրոն
| Կողբի մշակույթի կենտրոն | |
|---|---|
 Կողբի մշակույթի կենտրոնի շենքը, 2019 թվական | |
| Տիպ | Մշակութային հաստատություն |
| Հիմնադրված | 1945 թվական[1] |
| Տեղագրություն |  Հայաստան, Տավուշի մարզի Կողբ[1][2] |
| գործունեության որլորտ | Պատմության ներկայացում, մշակույթի տարածքում, ժամանցային միջոցառումներ[1] |
| Աշխատակիցների թիվ | 17[2] |
| Սեփականատեր | Տավուշի մարզպետարան[2] |
Կողբի մշակույթի կենտրոն (նախկինում Կողբի մշակույթի տուն), պատմամշակութային, ժամանցային կենտրոն Հայաստանի Տավուշի մարզի Կողբ գյուղում[1][2]։
Տեղադրություն[խմբագրել | խմբագրել կոդը]
Մշակույթի կենտրոնը գտնվում է Կողբ գյուղի կենտրոնական մասում՝ գյուղով անցնող Իջևան-Նոյեմբերյան ավտոմոբիլային ճանապարհին կից։
Պատմություն[խմբագրել | խմբագրել կոդը]
Կողբի մշակույթի տունը սկսել է գործել 1945 թվականից Կողբ գյուղի գյուղխորհրդի կազմում։ 1976 թվականին շահագործման է հանձնվել մշակույթի տան տիպային նորակառույց շենքը։ 2002 թվականից մշակույթի տունը վերանվանվել է Կողբի մշակույթի կենտրոնի[1]։
Գործունեություն և կառուցվածք[խմբագրել | խմբագրել կոդը]
Մշակույթի կենտրոնում կազմակերպվում են պոեզիային և գրականությանը վերաբերող ցերեկույթներ, հիշատակի, տոնական և համերգային միջոցառումներ, մեծարման երեկոներ ու այլ մշակութային ծրագրեր[1][3]։
Մշակույթի կենտրոնում է գործում Կողբի պատմության թանգարանը, ինչպես նաև իր կազմի մեջ է գտնվում 2 գրադարան[1]։
2020 թվականի դրությամբ Մշակույթի կենտրոնն ունի 17 աշխատակից։ Կենտրոնի տնօրենը Արման Տեր-Արսենյանն է[2]։
Թատրոն[խմբագրել | խմբագրել կոդը]
Կողբի մշակույթի կենտրոնն ունի իր թատերախումբը, որը ստեղծվել է 2005 թվականին։ Թատերախմբի կողմից բեմադրվել է Մ.Քոչարյանի «Կինն ուսադիրներով» դրաման, Ա.Բարսեղյանի «Պոկված կրունկներ» դրամատիկակն նովելը, Ժ.Անանյանի «Լույս քեզ տեսնողին» պիեսը, Հ.Մաթևոսյանի «Աշնան արև» վեպի համանուն պիեսը և այլն[3]։
Մշակույթի կենտրոնի տիկնիկային թատրոնը ստեղծվել է 2006 թվականին։ Թատերախումբը բեմադրել է «Լավություն արա, ջուրը գցի» ժողովրդական հեքիաթը, Ա.Խնկոյանի «Մուկ փեսացուն», «Մկների ժողովը», Հովհաննես Թումանյանի «Շունն ու կատուն», «Չարի վերջը», «Բարեկենդանը», «Սուտլիկ որսկանը», «Անխելք մարդը», «Անբան հուռին», ինչպես նաև «Երեք խոզուկներ» և «Բրեմենյան երաժիշտներ» հեքիաթները և այլն։ Թատերախումբը ելույթներով հանդես է եկել Տավուշի մարզի մի քանի տասնյակ բնակավայրերում, Լոռու մարզում, Երևանի Հովհաննես Թումանյանի տուն-թանգարանում, տիկնիկային թատրոնում։
Կողբի պատմության թանգարան[խմբագրել | խմբագրել կոդը]
Կողբի պատմության թանգարանը տեղակայված է գյուղի մշակույթի կենտրոնի երկրորդ հարկում և, որպես գյուղական թանգարան, իր ձևաչափով եզակի է ամբողջ Տավուշի մարզում[4][4][5]։ Այն հիմնադրվել է 1970 թվականին Սուրեն Աբովյանի կողմից[4][5][6]։
Թանգարանում հնարավորինս ներկայացված է Կողբի և հարակից տարածքների պատմությունը, կենցաղը, կյանքը[5]։ Այն ունի ընդարձակ ցուցասրահ, որտեղ ցուցադրվում են հարյուրավոր ցուցանմուշներ[5]։ Ընդհանուր առմամբ թանգարանն ունի շուրջ 1700 ցուցանմուշ[4][6], որոնք հայտնաբերվել են պեղումների, պատահական շինարարական աշխատանքների, գյուղատնտեսական աշխատանքների ընթացքում[5]։ Թանգարանի հավաքածուի մաս են կազմում 3000-ից 3700 տարվա կավե ամաններ ու բրոնզյա իրեր[5][6], պատմական մետաղադրամներ[5][6], կենցաղում օգտագործված իրեր[5][6], ազգագրական այլ ցուցանմուշներ[5], տարբեր ժամանակների և թեմատիկայի լուսանկարներ[4][5][6]։ Թանգարանի ամենահին ցուցանմուշը Կողբում գտնվող և մ.թ.ա. 9-րդ դարով թվագրվող դամբարանից հայտնաբերված մետաղյա թուրն է[4]։
-
Թանգարանի մետաղյա իրերի ցուցանմուշներից -
Թանգարանի կավե իրերի ցուցանմուշներից -
Թանգարանի մետաղադրամների ցուցանմուշներից -
Թանգարանի կենցաղային իրերի ցուցանմուշներից
Տես նաև[խմբագրել | խմբագրել կոդը]
- Կողբ գյուղ
- Կողբի պատմության թանգարան
- Կողբի Ջահան Կարախանյանի անվան թիվ 1 միջնակարգ դպրոց
- Կողբի Բագրատ Սահակյանի անվան թիվ 2 միջնակարգ դպրոց
- Կողբի պատմության և մշակույթի անշարժ հուշարձանների ցանկ (Տավուշի մարզ)
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 1,6 Կողբի մշակույթի կենտրոնի մասին տեղեկություններ koghb.am կայքում, (արխիվացված 27․04․2021թ․)։
- ↑ 2,0 2,1 2,2 2,3 2,4 Տավուշի մարզպետարանի ենթակայությամբ գործող կրթական կազմակերպությունների վերաբերյալ տեղեկություններ մարզպետարանի կայքում, (արխիվացված 23․04․2021թ․)
- ↑ 3,0 3,1 Կողբի մշակույթի կենտրոնի թատերախմբի մասին տեղեկություններ koghb.am կայքում, (արխիվացված 29․04․2021թ․)։
- ↑ 4,0 4,1 4,2 4,3 4,4 4,5 Շարքային կողբեցու նվիրումի արդյունքը. գյուղի պատմության թանգարանը եզակի է ողջ Տավուշում, (արխիվացված 27․04․2021թ․)։
- ↑ 5,00 5,01 5,02 5,03 5,04 5,05 5,06 5,07 5,08 5,09 Կողբի պատմության թանգարանի մասին տեղեկություններ koghb.am կայքում, (արխիվացված 27․04․2021թ․)։
- ↑ 6,0 6,1 6,2 6,3 6,4 6,5 Սուրեն Միրզոյանի «Կողբափոր-Նոյեմբերյան․ Անցյալը, կյանքը, կենցաղը»,Երևան, 2007 թվական, էջ 125-126