Կոկոլա

Կոկոլա
Բնակավայր
	Կոկոլա
	շվեդ.՝ Karleby stad; ֆիններեն՝ Kokkolan kaupunki
Դրոշ	Զինանշան
Երկիր	Ֆինլանդիա
Հիմնադրված է	1620 թ.
Մակերես	1446,27 կմ²
ԲԾՄ	6 մետր
Պաշտոնական լեզու	ֆիններեն և շվեդերեն
Բնակչություն	▲48 299 մարդ (դեկտեմբերի 31, 2023)
Ժամային գոտի	UTC+2 և UTC+3
Պաշտոնական կայք	kokkola.fi(ֆին.)(շվեդ.)(անգլ.)
	Կոկոլա (Ֆինլանդիա)
	Կոկոլա (Ֆինլանդիա)
	Կոկոլա Վիքիպահեստում

Կոկոլա (ֆիններեն՝ Kokkola), քաղաք Ֆինլանդիայի արևմուտքում։ Գտնվում է Բոտնիկի ծոցի ափին, համարվում է Ֆինլանդիայի նավահանգստային խոշորագույն կենտրոններից մեկը։ Բնակչությունը՝ ▲48 299 մարդ (դեկտեմբերի 31, 2023)։

Պատմություն[խմբագրել | խմբագրել կոդը]

Կոկոլան հիմնադրվել է 1620 թվականին շվեդների Գուստավ Ադոլֆ 2-րդ արքայի կողմից։

1765 թվականին օտար շուկաների հետ առևտրի իրավունք է ստացել։

18-19-րդ դարերում ձյութի արտադրության և նավաշինության խոշոր կենտրոն է եղել։

1854 թվականին Ղրիմի պատերազմի ժամանակ ենթարկվել է բրիտանական ռազմական նավերի հարձակմանը։ Տեղի բնակիչները հետ են մղել հարձակումը` խորտակելով նավերից մեկը։ Գրոհի ընթացքում զոհվել է բրիտանացի 9 զինվոր, որոնք թաղվել են Կոկոլայի Մարինյան գերեզմանոցում։

Բնակչություն[խմբագրել | խմբագրել կոդը]

1987 — 34 599
1990 — 34 635
1997 — 35 513
2000 — 35 539
2002 — 35 583
2004 — 35 888

2005 — 36 516
2006 — 36 271
2007 — 36 800
2009 — 45 766
2010 — 46 257
2011 — 46 394

Ըստ 2009 թվականի մարդահամարի տվյալների` քաղաքի բնակչությունը կազմում է 45 766 մարդ^[3]։ Նրանցից 18,8%-ը 14 տարեկանից ցածր են, 65%-ը` 15-64 տարեկան և 16,2%-ը` 65 և ավելի մեծ։ Բնակչության խտությունը 31,69 մարդ/կմ² է։

Կլիմա[խմբագրել | խմբագրել կոդը]

Կոկոլայում տարեկան միջին ջերմաստիճանը 3 °C է։ Առավել ցուրտ ամիսներն են հունվարը, փետրվարը և մարտը։ Ամենատաք ամիսը հուլիսն է, որի միջին ջերմաստիճանը կազմում է 13 °C: Ջեմաստիճանի տարեկան բացարձակ նվազագույնը −32 °C է, իսկ բացարձակ առավելագույնը` +31 °C: Տեղումների տարեկան միջին քանակը 540 մմ է։

Մշակույթ և տեսարժան վայրեր[խմբագրել | խմբագրել կոդը]

Կոկոլան երաժշտական ավանդույթներով քաղաք է և հանդիսանում է կամերային նվագախմբի հայրենիքը։ Քաղաքի կենտրոնը կրում է Ներիստան անվանումը և իրենից ներկայացնում է ընդարձակ թաղամաս` փայտե տներով։ Դրանից ոչ հեռու գտնվում են Կ. Ռենլունդի նկարչական պատկերասրահը, Պատմության թանգարանը և Բնագիտության թանգարանը` բնական քարերի հավաքածուով։ Քաղաքում է գտնվում քաղաքապետարանը, որի ճակատային հատվածում ճարտարապետ Կառլ Լյուդվիգ Էնֆելի ստորագրությունն է։ Կոկոլայում ամեն տարի անցկացվում է ֆուտբոլի երիտասարդների առաջնություն, իսկ օգոստոսի վերջին օրերին անցկացվում է վենետիկյան տոնակատարություն` նվիրված ամռան հրաժեշտին։

Տնտեսություն[խմբագրել | խմբագրել կոդը]

Կոկոլան հանդիսանում է Ֆինլանդիայի նավաշինության և քիմիական արդյունաբերության ամենախոշոր կենտրոններից մեկը։ Շինարարական այլ արդյունաբերություններից են մետաղամշակումը, տեքստիլ արտադրությունը, պլասմասային արտադրությունը, ծառամշակման արտադրությունները և սննդի արդյունաբերությունը։ Այժմ Կոկոլան հանդիսանում է Բոտնիկի ծոցի ամենամեծ նավահանգիստներից, որ կատարում է արևելքի և արևմուտքի կապող օղակի դեր^[4]։

Նշանավոր բնակիչներ[խմբագրել | խմբագրել կոդը]

Դոններ Անդերս (1854—1938) - ֆինն աստղագետ
Հեյնյալուոմա Էերո (ծնվ. 1955)- քաղաքական գործիչ, Ֆինլանդիայի խորհրդարանի խոսնակ
Նինա Օստրյոմ - ֆինն երգչուհի
Միկա Մյուլյուլյա (1969-2011) - ֆինն դահուկորդ, 1998 թվականի օլիմպիական խաղերի չեմպիոն
Անդերս Չյուդենիուս (1729—1803)- շվեդ փիլիսոփա և քաղաքական գործիչ