Կարինե Գլոյան
Կարինե Գլոյան | |
---|---|
Ծնվել է | հունվարի 5, 1955 (69 տարեկան) Թբիլիսի, Վրացական ԽՍՀ, ԽՍՀՄ |
Քաղաքացիություն | ԽՍՀՄ և Հայաստան |
Մասնագիտություն | նկարչուհի |
Հաստատություն(ներ) | Վանաձորի կերպարվեստի թանգարան |
Անդամակցություն | Հայաստանի նկարիչների միություն |
Ալմա մատեր | ՎՊՀ (1977) |
Կարինե Սերգեյի Գլոյան (հունվարի 5, 1955, Թբիլիսի, Վրացական ԽՍՀ, ԽՍՀՄ), դիզայներ-նկարչուհի։
Կենսագրություն[խմբագրել | խմբագրել կոդը]
1962-1972 թթ. սովորել է Թբիլիսիի 110 միջնակարգ հայկական դպրոցը։ 1972-1977 թթ.` Վանաձորի պետական մանկավարժական ինստիտուտի հայոց լեզու և գրականություն բաժնում։ 1996 թ. մասնակցել է կերպարվեստ և դիզայն առակայի որակավորման բարձրագույն դասընթացների։ 1979 թ. աշխատել է Կիրովականի կերպարվեստի թանգարանում՝ որպես ավագ գիտաշխատող։ 1979-1986 թթ. աշխատել է Կիրովականի թիվ 46 ուսումնարանում՝ որպես մանկավարժ։ 1986 թվականից աշխատում է Գեղագիտության Ազգային Կենտրոնի Վանաձորի մասնաճյուղում՝ նախ որպես ուսմասվար, այնուհետ՝ տնօրեն[1]։ Ստեղծագործում է 1985 թվականից։ Մասնակցել է բազում հանրապետական ցուցահանդեսների, ունեցել մի շարք անհատական ցուցահանդեսներ։ 1996 թ. հիմնադրել է «Բրաբիոն մշակութային կենտրոն» հասարակական կազմակերպությունը, որն ակտիվ գործունեություն է ծավալում մինչ օրս։ 2012 թվականից Հայաստանի նկարիչների միության պատվավոր անդամ է։
Արժանացել է մի շարք պատվոգրերի ու շնորհակալագրերի։
Ստեղծագործություններ[խմբագրել | խմբագրել կոդը]
Զբաղվում է կիրառական արվեստով՝ ասեղնագործություն, տիկնիկ-խամաճիկներ, կոլաժ, ապլիկացիա, բատիկա, պապյե-մաշե։
Ցուցահանդեսներ[խմբագրել | խմբագրել կոդը]
- 1987 թ. Վանաձոր, ասեղնագործություն
- 1998 թ. Մինդեն, «Մի սնդուկ մանկական արվեստ»
- 2005 թ. Վանաձոր, բատիկա
- 2005 թ. Վանաձոր, պապյե-մաշե
- 2010 թ. Վանաձոր, «Մետաքս և Գույն»
Ծանոթագրություններ[խմբագրել | խմբագրել կոդը]
- ↑ «Գեղագիտության ազգային կենտրոնի Վանաձորի մասնաճյուղ». Արխիվացված է օրիգինալից 2015 թ․ մարտի 29-ին. Վերցված է 2015 թ․ հունվարի 28-ին.