Կալցիումի կարբիդ

Վիքիպեդիայից՝ ազատ հանրագիտարանից
Karbid vápenatý.JPG

Կալցիումի կարբիդ, քիմիական բանաձը՝ CaC2, կալցիումի միացությունը ածխածնի հետ։ Տեխնիկայում կիրառվող արժեքավոր կարբիդներից է։ Քիմիապես մաքուր կալցիումի կարբիդը անգույն է (տեխնիկականը՝ գորշ սպիտակավունից սև), խտություկը՝ 2200 կգ/մ3, հալման ջերմաստիճանը՝ 2300°C։ Զրի հետ փոխազդելիս անջատում է ացետիլեն.
CaC2 + 2H2O → C2H2+ Ca(OH)2
Առաջացած ջերմությունը (30,4 կկաւ/մոլ) հեռացնելու համար ջուրը վերցվում է ավելցուկով։ Ստացվում է էլեկտրական վառարաններում (1900-1950°C)՝ CaO + 3C → CaC2 + CO փոխազդեցությամբ։ Հումք են ծառայում կիրը, կոքսը կամ անտրացիտը։ Կիրառվում է գլխավորապես ացետիլեն, կալցիումի ցիանամիդ ստանալու և ալկալիական մետաղները վերականգնելու համար։

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png