Լամիսա

Քաղաք
Լամիսա
անգլ.՝ Lamesa
Երկիր	ԱՄՆ
Հիմնադրված է	1903 թ.
Մակերես	13,31358 կմ², 12,98348 կմ²
ԲԾՄ	912±1 մետր
Բնակչություն	▼8674 մարդ (ապրիլի 1, 2020)
Հեռախոսային կոդ	806
Փոստային դասիչ	79331
Պաշտոնական կայք	ci.lamesa.tx.us​(անգլ.)
Լամիսա (ԱՄՆ)
Լամիսա Վիքիպահեստում

Լամիսա (անգլ.՝ Lamesa; /ləˈmiːsə/), քաղաք ԱՄՆ-ում, տեղակայված Տեխաս նահանգի արևմուտքում, Դոուսոն շրջանի վարչական կենտրոնը։ Ըստ 2010 թվականի մարդահամարի, բնակչության թիվը կազմել է 9422 մարդ, ըստ ԱՄՆ Բնակչության մարդահամարի բյուրոյի՝ 2018 թվականին քաղաքում բնակվում էր 9042 մարդ։ Գտնվելով Լաբոքից հարավ՝ Լանո Էստակադոյի վրա, Լամիսան հիմնադրվել է 1903 թվականին։

Աշխարհագրություն

Լամիսան տեղակայված է Դոուսոն շրջանի կենտրոնում, նրա կոորդինատներն են՝ 32°43′59″ հս․ լ. 101°57′18″ ամ. ե.:

Ըստ ԱՄՆ Բնակչության մարդահամարի բյուրոյի, քաղաքի ընդհանուր մակերեսը կազմում է 13,0 կմ² (5,0 քառակուսի մղոն), որից 0,08 քառակուսի կիլոմետրը (0,03 քառակուսի մղոն) կամ 0,62%-ը ջուր է։

Կլիմա

Ըստ Կյոպպենի կլիմաների դասակարգման համակարգի, Լամիսան բնութագրվում է բարեխառն կիսաանապատային կլիմայով (BSk): Քաղաքի կլիման բնութագրվում է ամառային բարձր ջերմաստիճաններով (հաճախ ավելի քան 100 °F) և ձմռան ցուրտ գիշերներով (ջերմաստիճանը ցրտից ցածր է ընկնում տարեկան միջինը 91 գիշեր)։ Տարեկան միջին ջերմաստիճանը 61,4 °F է, ինչը Լամիսային դարձնում է իններորդ ամենացուրտ վայրը Տեխասում՝ Ամարիլլո և Լաբոք քաղաքներից հետո։ Լամիսան տարեկան ստանում է միջինը 17,6 դյույմ անձրև և 4 դյույմ ձյուն։

Ջերմաստիճանի և տեղումների տարեկան միջին ցուցանիշները Լամիսայում
Ամիս	հունվ	փետ	մարտ	ապր	մայ	հուն	հուլ	օգոս	սեպ	հոկ	նոյ	դեկ	տարին
բացարձակ առավելագույնը (°C)	28	30	35	37	41	43	43	43	40	38	32	30	43
միջին առավելագույնը (°C)	13	16	20	25	29	34	35	34	30	25	18	14	25
միջին ջերմաստիճանը (°C)	5	7	11	16	20	25	26	26	22	16	9	6	16
միջին նվազագույնը (°C)	−2	−1	2	7	12	17	18	18	15	8	1	−1	8
բացարձակ նվազագույնը (°C)	.	−24	−13	−5	2	7	12	11	2	−2	−12	−18	−24
տեղումների քանակը (մմ)	10	10	10	30	50	50	50	40	50	50	10	10	430
Աղբյուր՝ weatherbase.com

Ժողովրդագրություն

Պատմական բնակչություն

Մարդահամար	Բնակ.	Note	%±
1920	1188		—
1930	3528		1970%
1940	6038		711%
1950	10 704		773%
1960	12 438		162%
1970	11 559		−71%
1980	11 790		20%
1990	10 809		−83%
2000	9952		−79%
2010	9422		−53%
2018 (est.)	9042		−40%
1920-2018 U.S. Decennial Census

Ըստ 2010 թվականի մարդահամարի տվյալների, քաղաքում ապրում էր 9422 մարդ, կար 3549 տնատերեր և 2460 ընտանիք։ Քաղաքի ռասայական կազմը. 80,6% սպիտակամաշկ ամերիկացիներ, 4,6% աֆրոամերիկացիներ, 0,7% բնիկ ամերիկացիներ, 0,4% ասիացիներ, 0,1% (6 մարդ) Հավայան կղզիների կամ Օվկիանիայի բնակիչներ, 11, 3% - այլ ցեղեր, 2,3% - երկու և ավելի ցեղեր։ Բոլոր ցեղերի իսպանախոսների թիվը կազմել է 58,7%։

3549 տնատերերից 36,2%-ը ունեն մինչև 18 տարեկան երեխաներ։ Տնային տնտեսությունների 49%-ը ամուսնացած զույգեր էին, ովքեր ապրում էին միասին (18,3%-ը՝ մինչև 18 տարեկան երեխաների հետ), տնատերերից 14,8%-ում կանայք ապրում էին առանց ամուսնու, տնատերերից 5,4%-ում տղամարդիկ ապրում էին առանց կանանց, տնատերերից 30,7%-ը՝ ընտանիքներ չէին։ Տնատերերից 27,6%-ում ապրում էր միայն մեկ անձ, իսկ 13,6%-ը միայնակ տարեցներ էին (65-ից բարձր)։ Տնատերերի միջին չափը 2,63 մարդ էր։ Ընտանիքի միջին չափը 3,21 մարդ է։

Քաղաքի բնակչությունն ըստ տարիքային տիրույթի բաշխվել է հետևյալ կերպ. 31,6%-ը՝ մինչև 20 տարեկան բնակիչներ, 22,5%-ը՝ 20-ից 39 տարեկան, 29,5%-ը՝ 40-ից 64, 16,4%-ը՝ 65 տարեկան և բարձր։ Միջին տարիքը 35,9 տարեկան է։

Համաձայն 2011-2015 թվականների հինգ տարվա հետազոտության տվյալների, Լամիսայում տնային տնտեսությունների միջին եկամուտը տարեկան 40 757 ԱՄՆ դոլար է, իսկ ընտանիքների միջին եկամուտը՝ 50 882 դոլար։ Քաղաքի մեկ շնչի հաշվով եկամուտը կազմում է 23 052 դոլար։ Ընտանիքների շուրջ 14,2%-ը և բնակչության 17%-ը ապրում են աղքատության շեմից ցածր մակարդակով։ Այդ թվում ներառյալ՝ 18 տարեկանից ցածր 17,5%-ը և 65 տարեկանից բարձր 19%-ը։

Տեղական ինքնակառավարում

Քաղաքը ղեկավարում են քաղաքապետը և քաղաքային խորհուրդը, որոնց վեց անդամներն ընտրվում են շրջանների կողմից։

Ենթակառուցվածքներ և տրանսպորտ

ԱՄՆ-ի 87-րդ և 180-րդ և Տեխաս նահանգի 137 մայրուղիներն անցնում են Լամիսայով։ ԱՄՆ-ի 87-րդ մայրուղին, Լինն ավենյուն, անցնում է քաղաքի արևելյան կողմով և անցնում է հյուսիսից հարավ-արևելք՝ Լաբոքից դեպի Բիգ Սփրինգ։ ԱՄՆ-ի 180-րդ մայրուղին անցնում է քաղաքի կենտրոնով, իսկ 4-րդ փողոցը թեքվում է արևմուտք՝ դեպի Սեմինոլ, իսկ քաղաքից դուրս թեքվում է արևելք՝ դեպի Սնայդեր։ Տեխասի 137-րդ մայրուղին անցնում է քաղաքի միջով, Բրայան ավենյուով և անցնում է Բրաունֆիլդից 38 մղոն (61 կմ) հյուսիս-արևմուտք և 43 մղոն (72 կմ) հարավ՝ դեպի Սթանթոն։ Տեխասի 349-րդ մայրուղին բաժանվում է Լամիսայից հարավ գտնվող 137-րդ մայրուղու և անցնում հարավ-արևմուտք՝ դեպի Միդլենդ։

Քաղաքում է գտնվում Լամեսայի մունիցիպալ օդանավակայանը։ Օդանավակայանն ունի երկու թռիչքուղի՝ 1525 մետր և 1221 մետր երկարությամբ։ Առևտրային ուղևորների թռիչքներով ամենամոտ օդանավակայանը Միդլենդի միջազգային օդանավակայանն^[en] է։ Օդանավակայանը գտնվում է Լամիսայից մոտ 105 կիլոմետր հարավ։

Կրթություն

Քաղաքը սպասարկվում է Լամիսայի անկախ դպրոցական շրջանի կողմից։

Լամիսայում է գտնվում Բիգ Սփրինգ քաղաքի Հովարդ քոլեջի մասնաճյուղը։

Տնտեսույթուն

Քաղաքի 2016-2017 հաշվետու տարվա բյուջեի համաձայն, 2016 թվականին քաղաքի գնահատված եկամուտը կազմել է 11,03 մլն $, իսկ ծախսերը` 11,4 մլն $: Տնտեսության մեծ մասը հիմնված է անասունների և բամբակի բուծման վրա։

Լրատվամիջոցներ

«The Lamesa Press Reporter» թերթը լույս է տեսնում քաղաքում ամեն 2 շաբաթը մեկ, գործում են նաև ռադիոկայանները՝ KPET (AM 690), KBKN (FM), KTXC (FM) և KJJT (FM): Մալուխային հեռուստատեսության համակարգը ղեկավարում է «Northland Cable Television»-ը։

Հանգիստ և ժամանց

Ամեն տարի ապրիլին քաղաքում տեղի է ունենում տապակած հավի սթեյքի մրցույթ։

Քաղաքում է գտնվում Sky-Vue ավտոկինոթատրոնը։ 2015 թվականին բռնկված հրդեհից հետո կինոթատրոնը ստիպված էին փակել։ Բադդի Հոլլին մինչ հայտնի դառնալը ելույթ էր ունենում շեն- էկրանի տանիքում։

Դալ Պասոյի թանգարան

Դալ Պասոյի թանգարանը տեղական արտեֆակտերի հավաքածու է և նախկին հյուրանոց, որը գտնվում է Լամիսայի կենտրոնում։ Անունը գալիս է այն փաստից, որ Լամիսան գտնվում է հարթ դաշտի վրա։ Թանգարանում ցուցադրվում են ինտերիերի իրեր, գործիքներ և գյուղտեխնիկա։ Անց են կացվում նաև տեղի նկարիչների աշխատանքների ցուցահանդեսներ։

Քաղաքը հանրաճանաչ մշակույթի մեջ

• Ավտոկինոթատրոնի պատի լուսանկարը քանթրի երգիչ Դոն Վալսերի «Down at the Sky-Vue Drive-In» ալբոմի շապիկն է։ Այս ալբոմի «Hot Rod Mercury» երգը նվիրված է Լամիսայում ապրած իր կյանքին
• CBS ընկերության Դալլաս հեռուստասերիալում, քաղաքում է տեղակայված շահութաբեր նավթահանքերից մեկը։ Մի տեսարանում Ջեյ Ար Յուինգը թռչում է դեպի Լամիսայի օդանավակայան, և շուտով ականը պայթեցնում են, և ոստիկանությունը սպանում է աշտարակները պայթեցրած հանցագործներին։

Պատկերասրահ

• 
  Լամիսայի ջրակայանը
• 
  Լամիսայի քաղաքապետարանը
• 
  Տեսարան դեպի Լամիսայի կենտրոն
• 
  Լամիսայի նախկին հյուրանոցում գտնվող Դալ Պասոյի թանգարանի մուտքը
• 
  «Լամիսա մամուլի թղթակից» թերթի խմբագրություն
• 
  Լամիսայի 1-ին փողոցում գտնվող առաջին բապտիստական եկեղեցին

Արտաքին հղումներ

• «Լամիսայի պաշտոնական կայքը».
• «Լամիսայի առևտրի պալատը».
• «Լամիսա քաղաքի մասին տեղեկություն texasescapes.com կայքում».
• «Լամիսայի անկախ դպրոցական շրջանը».

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Լամիսա կատեգորիայում։