Էսթեր Մորիս
Էսթեր Մորիս | |
---|---|
Ծնվել է | օգոստոսի 8, 1814[1][2] կամ 1813[3] |
Ծննդավայր | Տայոգա շրջան, Նյու Յորք, ԱՄՆ կամ Ուայոմինգ շրջան, Նյու Յորք, ԱՄՆ[3] |
Մահացել է | ապրիլի 3, 1902[4] կամ ապրիլի 2, 1902[5] |
Մահվան վայր | Շայեն, ԱՄՆ[5] |
Քաղաքացիություն | ԱՄՆ[6] |
Մասնագիտություն | դատավոր և սուֆրաժիստ |
Կուսակցություն | ԱՄՆ Հանրապետական կուսակցություն |
Պարգևներ և մրցանակներ | |
Անդամություն | Կանանց ընտրության իրավունքի ամերիկյան ազգային ասոցիացիա[6] |
Esther Hobart Morris Վիքիպահեստում |
Էսթեր Հոբարթ Մաքքուիգ Սլեք Մորիս (անգլ.՝ Esther Hobart McQuigg Slack Morris, օգոստոսի 8, 1814[1][2] կամ 1813[3], Տայոգա շրջան, Նյու Յորք, ԱՄՆ և Ուայոմինգ շրջան, Նյու Յորք, ԱՄՆ[3] - ապրիլի 3, 1902[4] կամ ապրիլի 2, 1902[5], Շայեն, ԱՄՆ[5]), ամերիկացի հասարակական գործիչ։ Ամերիկայի առաջին կին դատավորն է[7]։
Կենսագրություն[խմբագրել | խմբագրել կոդը]
Էսթեր Մորիսը ծնվել է Սփենսերում (Նյու-Յորք նահանգի, Տիյոգա շրջանում)։ Նա վաղ տարիքից որբացել է։ 1841 թվականին նա ամուսնացել է ինժեներ Արտեմուս Սլեքի հետ։ Երբ երեք տարի անց Սլեքը մահացել է, նա գնացել է Պերու (Իլլինոյս) և ամուսնացել է վաճառական Ջոն Մորիսի հետ։
1869 թվականին Մորիսները տեղափոխվել են Վայոմինգում գտնվող Սաուտ Պասս Սիտի քաղաք։ 1869 թվականի դեկտեմբերի 10-ին Վայոմինգում կանայք ընտրություններին մասնակցելու իրավունք են ստացել։ Տարածված է այն տարբերակը, որ դրան նպաստել է Էսթեր Մորիսը[8]։ Երբ Սաուտ Պասս Սիտիում անցկացվում էր տարածքային օրենսդրական ժողովի ներկայացուցչի ընտրությունը, Մորիսը թեյախմության է հրավիրել երկու թեկնածուներին` սրահի սեփականատեր դեմոկրատ Ուիլյամ Բրայթին և նրա հակառակորդ հանրապետականին։ Էսթերը երկուսից էլ խոսք է վերցրել, որ եթե հաղթեն, օրենսդիր ժողովին առաջարկելու են կանանց ընտրական իրավունքների ներդրումը։ Բրայթը հաղթել է և պահել է իր խոստումը։ Մյուս տարբերակն այն է, որ չնայած նրան, որ Բրայթները և Մորիսները մոտ ընկերներ էին, թեկնածուների հետ թեյախմությունը հորինված էր[9]։
1870 թվականի փետրվարի 14-ին Մորիսը նշանակվել է Սաութ Փաս Սիթիի հաշտարար դատավոր։ Այդ կերպ նա դարձել է ԱՄՆ-ի առաջին կին դատավորը։ Նախորդ դատավոր Սթիլլմենը հրաժարվել է նրան լսման համար նշանակված գործերի ցանկ փոխանցել, և Էսթերը հրամայել է ձերբակալել նրան[9]։ Մորիսը դատավորի պաշտոնում է մնացել ընդամենը ութ ամիս։ 1871 թվականին նա բաժանվել է ամուսնուց և տեղափոխվել է Լարամի։ Ապագայում նա պայքարել է կանանց իրավունքների համար։ Էսթեր Մորիսը մահացել է Շայնենում։
1960 թվականին Կապիտոլիումում տեղադրվել է Մորիսի արձանը։
Ծանոթագրություններ[խմբագրել | խմբագրել կոդը]
- ↑ 1,0 1,1 Encyclopædia Britannica
- ↑ 2,0 2,1 FemBio տվյալների շտեմարան (գերմ.)
- ↑ 3,0 3,1 3,2 3,3 3,4 https://en.wikisource.org/wiki/Woman_of_the_Century/Esther_Morris
- ↑ 4,0 4,1 4,2 SNAC — 2010.
- ↑ 5,0 5,1 5,2 5,3 5,4 5,5 Find A Grave — 1996.
- ↑ 6,0 6,1 Online Biographical Dictionary of the Woman Suffrage Movement in the United States / T. Dublin, K. K. Sklar — Alexander Street Press.
- ↑ Esther Hobart McQuigg Slack Morris. Encyclopaedia Britannica.
- ↑ Dorothy Gray. Women of the West. University of Nebraska Press, 1976. P. 77-78.
- ↑ 9,0 9,1 Lynne Cheney. It All Began In Wyoming. American Heritage. April 1973.