Էնարգիտ

Էնարգիտ
Ընդհանուր
Կատեգորիա	միներալների տեսակ
Բանաձև (կրկնվող միավորը)	Cu₃AsS₄
Նիկել-Շտրունցի դասակարգում	2.KA.05
Դանա դասակարգում	3.2.1.1
Շերտի գույն	սև
Բյուրեղային համակարգ	շեղանկյուն բյուրեղային համակարգ
Ենթակատեգորիա	sulfosalt subclass of minerals? և սուլֆիդներ

Էնարգիտ, միներալ սուլֆոաղերի խմբից։ Քիմիական կազմը՝ $Cu_{3}AsS_{4}$: Պարունակում է 48,42% $Cu$, 19,02% $As$, 32,56% $S$: Խառնուրդների ձևով մասնակցում են ծարիր, երկաթ, ցինկ ևն։ Բյուրեղագիտական համակարգը ռոմբային է, կարծրությունը՝ 3–3,5, խտությունը՝ 4300–4500 կգ/մ³, գույնը՝ պողպատի գորշից մինչև երկաթի սև։ Բյուրեղները պրիզմատիկ կամ աղյուսաձև են։ Էնարգիտը մի շարք հիդրոթերմալ պղնձի հանքավայրերի քիչ տարածված միներալ է և հանդիպում է պիրիտի, բոռնիտի, գալենիտի և այլ միներալների հետ։ Կա Ուրալում, Ղազախստանում, Միջին Ասիայում։ Հայաստանում հայտնի է Կապանի պղնձի հանքավայրում։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 51)։

Վիքիպահեստն ունի նյութեր, որոնք վերաբերում են «Էնարգիտ» հոդվածին։