Զիբենբերգի տուն

Զիբենբերգի տուն
Տեսակ	թանգարան
Երկիր	Արևելյան Երուսաղեմ
Տեղագրություն	Արևելյան Երուսաղեմ
Հիմնադրվել է	1970
Կայք	siebenberghouse.com

Զիբենբերգի տուն (անգլ.՝ Siebenberg House; եբրայերեն՝ מוזיאון זיבנברג‎), հնագիտական թանգարան Երուսաղեմի հին քաղաքում՝ Բեյտ Հա-Շոևայի № 5 ծառուղում։

Թեո և Մարիամ Զիբենբերգները 1970 թվականին գնելով տունը` համոզված էին, որ այն կառուցվել է հնագիտական նշանակալի արժեք ունեցող տարածքի վրա։ Բայց հնագետները թերահավատորեն էին տրամադրված, և Թեո Զիբենբերգն ստիպված էր ինքնուրույն անցկացնել և ֆինանսավորել հնագիտական պեղումները։

18 տարվա ընթացքում Զիբենբերգի տան տակ անցկացվող հնագիտական պեղումների ժամանակ հայտնաբերվել են ժայռի մեջ փորված և համարակալված հնագույն կացարանների և ծիսական լոգարանների մնացորդներ, ջրանցույցեր, հսկայական պահեստներ և դամբարաններ, որոնք կառուցվել են 3000 տարի առաջ՝ Սողոմոն Իմաստունի և Առաջին տաճարի ժամանակ, ինչպես նաև` Երկրորդ տաճարի և Բյուզանդական կայսրության ժամանակաշրջանի կառույցներ։ Թանգարանում ցուցադրված են հազվագյուտ գտածոներ, այդ թվում` կերամիկա, ապակյա իրեր, խճանկարներ, մետաղադրամներ, կավե ամաններ և զենքեր։

Ծանոթագրություններ

Վիքիպահեստն ունի նյութեր, որոնք վերաբերում են «Զիբենբերգի տուն» հոդվածին։