Ելենա Սոտնիկ
| Ելենա Սոտնիկ | |
| |
| Կուսակցություն՝ | Ինքնօգնություն[1] |
|---|---|
| Կրթություն՝ | Մ. Պ. Դրագոմանովի անվան ազգային մանկավարժական համալսարան |
| Մասնագիտություն՝ | քաղաքական գործիչ և փաստաբան |
| Ծննդյան օր | դեկտեմբերի 21, 1982 (41 տարեկան) |
| Ծննդավայր | Կիև, Ուկրաինական ԽՍՀ, ԽՍՀՄ |
| Քաղաքացիություն |  Ուկրաինա
|
Ելենա Սոտնիկ (ուկրաիներեն՝ Олена Сергіївна Сотник, դեկտեմբերի 21, 1982, Կիև, Ուկրաինական ԽՍՀ, ԽՍՀՄ), ուկրաինացի իրավաբան, քաղաքական գործիչ, Ուկրաինայի Գերագույն ռադայի 8-րդ գումարման Ժողովրդական պատգամավոր Ինքնօգնության կուսակցությունից։ Կոմիտեի քարտուղարը և Եվրամիության օրենսդրությանը ուկրաինական օրենսդրության ադապտացման, Եվրոպայի խորհրդի շրջանակներում Ուկրաինայի պարտավորություններին նրա պատասխանատվության ապահովման և Ուկրաինայի Գերագույն ռադայի կոմիտեի Եվրոպական ինտեգրման ոլորտում միջազգային-իրավական պարտավորությունների օրինագծերի համապատասխանության գնահատման հարցերով ենթակոմիտեի ղեկավարը[2]։
Կրթություն[խմբագրել | խմբագրել կոդը]
2005 թվականին ավարտել է Ուկրաինայի ներքին գործերի ազգային ակադեմիան՝ ստանալով Իրավագիտություն մասնագիտությամբ գերազանցության դիպլոմ։ Նույն տարում ավարտել է Համայնքային կառավարման ակադեմիան՝ ստանալով գերազանցության դիպլոմ՝ «Տնտեսագետ մենեջեր» որակավորում և «Քաղաքային ինքնակառավարում» լրացուցիչ մասնագիտություն։ 2011-2012 թվականներին սովորել է Ուկրաինայի քաղաքական հետազոտությունների դպրոցում (Եվրոպայի խորհրդի նախագիծը Ուկրաինայում)։ 2012 թվականին ավարտել է Մ.Պ. Դրագոմանովի անվան ազգային մանկավարժական համալսարանը՝ «Հոգեբանություն» մասնագիտությամբ։
Խորհրդարանական գործունեություն[խմբագրել | խմբագրել կոդը]
2014 թվականի խորհրդարանական ընտրություններում առաջադրվել է «Ինքնօգնության» կուսակցության կողմից 10-րդ համարի ներքո[3]։ Զբաղեցնում է հետևյալ պաշտոնները։
- Միջխորհրդարանական միությունում ազգային խորհրդարանական խմբի գործադիր կոմիտեի անդամ
- Ասոցիացիայի խորհրդարանական կոմիտեի ուկրաինական մասի անդամ
- Եվրոպայի խորհրդի Խորհրդարանական վեհաժողովում մշտական պատվիրակության անդամ
- Բելգիայի հետ միջխորհրդարանական կապերի խմբի ղեկավար
- ԱՄՆ-ի հետ միջխորհրդարանական կապերի խմբի անդամ
- Կանադայի հետ միջխորհրդարանական կապերի խմբի անդամ
- Ֆրանսիայի հետ միջխորհրդարանական կապերի խմբի անդամ
- Գերմանիայի հետ միջխորհրդարանական կապերի խմբի անդամ
- Մեծ Բրիտանիայի հետ միջխորհրդարանական կապերի խմբի անդամ
- Շվեյցարիայի հետ միջխորհրդարանական կապերի խմբի անդամ
Այլ ձեռքբերումներ[խմբագրել | խմբագրել կոդը]
2016 թվականից Մոդելային շրջան նախագծի մասնակիցն է, որի նպատակն է նպաստել Ուկրաինայի Գերագույն ռադայի կայացմանը։ 2019 թվականի փետրվարին դարձել է Յելի համալսարանի ծրագրի առաջին ուկրաինացի կին կրթաթոշակառու (ԱՄՆ-ում «World Fellows» 16 կրթաթոշակառուներից մեկը[4]։
Ընտանիք[խմբագրել | խմբագրել կոդը]
Ամուսինը՝ գործարար Անատոլի Ամելինն է, ինչպես Ելենան, նա նույնպես 2012 թվականին ավարտել է Ուկրաինայի քաղաքական հետազոտությունների դպրոցը և ընդգրկված էր Ասպեն-Ուկրաինա շրջանավարտների ասոցիացիայի համակարգող խորհրդի կազմում։ Անատոլի Ամելինը Ուկրաինայի ապագայի ինստիտուտի (Ukrainian Institute for the Future) հիմնադիրներից է, որն իրեն ներկայացնում է որպես անկախ վերլուծական կենտրոն[5]։
Ծանոթագրություններ[խմբագրել | խմբագրել կոդը]
- ↑ 1,0 1,1 http://itd.rada.gov.ua/mps/info/page/18010
- ↑ «Профиль на сайте Верховной рады Украины». Արխիվացված է օրիգինալից 2016 թ․ հոկտեմբերի 25-ին. Վերցված է 2019 թ․ մարտի 31-ին.
- ↑ «Об'єднання «Самопоміч» веде на вибори об'єднану команду гідних людей» (ուկրաիներեն). Արխիվացված է օրիգինալից 2014 թ․ սեպտեմբերի 11-ին. Վերցված է 2019 թ․ մարտի 31-ին.
- ↑ Нардеп Сотник стала першої жінкою-стипендіатом із України за програмою Єльського університету (ուկր.)
- ↑ «Анатолий Амелин / Украинский институт будущего» (անգլերեն). / Украинский институт будущего. 2016 թ․ հոկտեմբերի 21. Վերցված է 2019 թ․ մարտի 30-ին.(չաշխատող հղում)
Արտաքին հղումներ[խմբագրել | խմբագրել կոդը]
- Профиль на сайте Ассоциации юристов Украины Արխիվացված 2019-03-30 Wayback Machine (ուկր.)
 | Վիքիպահեստն ունի նյութեր, որոնք վերաբերում են «Ելենա Սոտնիկ» հոդվածին։ |
|
