Գրիգոր Տուրցի

Վիքիպեդիայից՝ ազատ հանրագիտարանից
Գրիգոր Տուրցի (XIX դարի քանդակ)

Գրիգոր Տուրցի (լատ.՝ Gregorius Turonensis, ֆր.՝ Grégoire de Tours, 538 կամ 539թ. նոյեմբերի 30, Կլերմոն-Ֆերան, Օվերն — 593 կամ 594թ. նոյեմբեր), Տուր քաղաքի եպիսկոպոս (573 թ-ից) և ֆրանկների պատմիչ։ Նրա գլխավոր երկը՝ «Ֆրանկների պատմություն» («Historia Genes Francorum») աշխատությունն է (բաղկացած է 10 գրքից և ինքնակենսագրական ակնարկից), գրված է լատներենով։ Հեղինակը շարադրում է հնագույն ժամանակներից առ 591թ. ընկած պատմական անցքերը։ Երկը կարևորագույն աղբյուր է V-VI դդ. ֆրանկների թագավորության և մասնավորապես Մերովինգյան հարստության արքաների պատմության ուսումնասիրության համար։ Հեղինակն իր երկի 10-րդ գրքում հիշատակում է ոմն հայազգի եպիսկոպոս Սիմոնի մասին, որը 591թ. Հայաստանից Տուր քաղաք էր եկել՝ փախնելով պարսկական հալածանքներից (X, 24) [1]։ Սա պատմական գրականության մեջ վավերացված Ֆրանսիայի տարածքում հայի գտնվելու առաջին հիշատակումն է։

Ծանոթագրություններ[խմբագրել]

  1. Григорий Турский, История франков, Москва, 1987, стр. 306.