Գրիգորի Գավրյուշենկո

Գրիգորի Գավրյուշենկո
1895 - 1937
Ծննդավայր	Խարկովի նահանգ, Ռուսական կայսրություն
Մահվան վայր	Մոսկվա, ԽՍՀՄ
Կոչում	բրիգադայի հրամանատար
Մարտեր/; պատերազմներ	Առաջին համաշխարհային պատերազմ
Պարգևներ

Գրիգորի Գավրյուշենկո (ռուս.՝ Григорий Фёдорович Гаврюшенко, 1895, Խարկովի նահանգ, Ռուսական կայսրություն - 1937, Մոսկվա, ԽՍՀՄ), Առաջին համաշխարհային պատերազմի մասնակից, բրիգադայի հրամանատար (1935)։

Կենսագրություն[խմբագրել | խմբագրել կոդը]

Գրիգորի Գավրյուշենկոն ծնվել է 1895 թվականին Ռուսական կայսրության Խարկովի նահանգում։ Ստացել է բարձրագույն ռազմական կրթություն։ Եղել է Ուկրաինայի կոմունիստական կուսակցության անդամ։ 1931 թվականի սեպտեմբերին ժողկոմ Կ. Վորոշիլովը, ստուգելով Ուրալում զինվորական մասերի պատրաստականությունը, ուշադրություն դարձնելով դիպուկ կրակող հրաձիգին, 57-րդ հրաձգային դիվիզիայի հրամանատարի տեղակալին` Գրիգորի Ֆեդորի Գավրյուշենկոյին, որն անցյալի ռազմական վաստակի համար արժանացել էր զինվորական Գեորգիևյան խաչի ժապավենակապի, գործուղեց Տյումեն` որպես նոր կազմավորված դիվիզիայի հրամանատար։ Լեոնիդ Դմիտրիի Բելոզերով-Գլադիշևը եղել է նրա օգնականը^[1]։ 1932 թվականից եղել է Ուրալի ռազմական շրջանի 65-րդ հրաձգային դիվիզիայի հրամանատար^[2]։ Բնակվել է Տյումենում, Տելեգրաֆնայա 8 հասցեում։ 1935 թվականի նոյեմբերի 26-ին դարձել է բրիգադի հրամանատար^[3]։ 1937 թվականի մարտի 19-ին ձերբակալվել է և դատապարտվել հակահեղափոխական ահաբեկչական կազմակերպության մեջ ներգրավված լինելու մեղադրանքով։ 1937 թվականի հուլիսի 1-ին գնդակահարվել է։ Թաղված է Մոսկվայի Դոնի գերեզմանատանը։ Արդարացվել է 1957 թվականի ապրիլի 20-ին։