Գավալայի բնակելի տուն
 | |
|---|---|
 | |
| Տեսակ | շենք և տեսարժան վայր |
| Երկիր |  Ռուսաստան |
| Տեղագրություն | Դոնի Ռոստով |
| Հասցե | ул. Пушкинская, 93А, г. Ростов-на-Дону, Россия |
| Ժառանգության կարգավիճակ | Ռուսաստանի մարզային նշանակության մշակութային ժառանգության օբյեկտ |
 | |
 | |
Ն. Ա. Գավալայի բնակելի տուն (ռուս.՝ Жилой дом Н. А. Гавала), շենք Դոնի Ռոստովի Պուշկինի փողոցում (շենք №93)։ Բնակելի տունը կառուցվել է XIX դարի վերջում[1]։ Շենքն ունի մշակութային ժառանգության տարածաշրջանային նշանակության օբյեկտի կարգավիճակ[2]։
Պատմություն[խմբագրել | խմբագրել կոդը]
Բնակելի տան առաջին սեփականատերը եղել է Ռուսաստանի բորսաների ընկերության անդամ, ծագումով հույն Նիկոլայ Անտոնովիչ Գավալան։ 1913 թվականի փաստաթղթերով տունը պատկանել է Մարիա Գեորգիևնա Գավալային, որը, ենթադրաբար, եղել է նրա կինը։ Գավալա ընտանիքը հեռացել է Ռոստովից Քաղաքացիական պատերազմի տարիներին։ Խորհրդային իշխանության հաստատումից հետո շենքն ազգայնացվեց, և շենքի սենյակները դարձան կոմունալ բնակարաններ։ Հետագայում շենքը բազմիցս վերանորոգվել է[1]։
Ճարտարապետություն[խմբագրել | խմբագրել կոդը]
Երկհարկանի բնակելի տունը գտնվում է Պուշկինի փողոցի կարմիր գծի վրա։ Ինչպես XIX դարի վերջի բազմաթիվ այլ բնակելի շենքերում, Գավալայի տան ճարտարապետությունում միաձուլված են տարբեր ոճերի տարրեր։ Կողքերից գտնվում են երկու կամարներ` շքամուտքը (ձախից) և մուտքը դեպի բակ (աջից)։ Մուտքի դարպասի կռածո ցանցի վրա «Н» և «Г» տառերն են (տանտիրոջ անվան և ազգանվան առաջին տառերը)։ Շքամուտքի վրա սկզբնապես նույնպես եղել են կռածո ցանցեր սկզբնատառերով, բայց մինչև մեր օրերը հասել է միայն մեկը։ Առաջին հարկի պատերը երեսպատված են կոպտատաշ քարով։ Լուսամուտատեղերը զարդարված են տարբեր շրջկալներով։ Երկրորդ հարկում կողային դարպասի նեղ պատուհանները մոտեցված են իրար և երեքն են։ Կենտրոնական մասում երկու զույգ պատուհաններ են` երկուական իրար մոտեցված։ Ճակատն ավարտվում է կիսասյուներով և դեկորատիվ բարձակներով ճաղաշարով։ Ձեղնահարկը խիստ վերակառուցված է[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Волошинова Л. Ф. Пушкинская улица. — Ростов-на-Дону: «Донской издательский дом», 2000. — С. 29—32. — (Серия "Судьбы улиц, площадей, зодчих"). — ISBN 5-87688-250-X
- ↑ «Ростов-на-Дону (объекты культурного наследия регионального значения)». Официальный портал Правительства Ростовской области. Վերցված է 2013 թ․ սեպտեմբերի 23-ին.