Բուրաստան մանկանց

Բուրաստան մանկանց;
Տեսակ	պատկերազարդ ամսագիր և մանկական ամսագիր
Լեզու	հայերեն
Հիմնադրվել է	հունվար 1882
Երկիր	Օսմանյան կայսրություն
Հրատարակման վայր	Կոստանդնուպոլիս
Լուծարվել է	հոկտեմբեր 1888

Բուրաստան մանկանց, կիսամսյա պատկերազարդ մանկապատանեկան հանդես։ Լույս է տեսել 1882-1893 թվականներին, Կոստանդնուպոլիսում։ 1889 թվականից վերանվանվել է «Ծաղիկ մանկանց»։

Կազմ[խմբագրել | խմբագրել կոդը]

Խմբագիրներ՝ Կ․ Կարակյուլյան, Ստեփան Տեովլեթյան, Միհրան Ասքանազյան։ Հրատարակիչ՝ Նշան Պերպերյան։

Աշխատանքներ[խմբագրել | խմբագրել կոդը]

«Բուրաստան մանկանցը» մանկական, գրական–գեղարվեստական ստեղծագործություններին զուգահեռ տպագրել է արվեստին, առողջապահությանը, բժշկությանը նվիրված գիտահանրամատչելի հոդվածներ, գրախոսություններ, հիշատակություններ նշանավոր անձանց մասին, առաջարկել մաթեմատիկական խնդիրներ։

Հանդեսի հրատարակմանն աջակցել են Մատթեոս Մամուրյանը, Ռեթեոս Պերպերյանը, Սմբատ Փանոսյանը, Արշակ Չոպանյանը, Եղիա Տեմիրճիպաշյանը և ուրիշներ։

Թղթակցել են Կ․ Պոլսի, Զմյուռնիայի և այլ շրջանների հայ դպրոցականները։

Զգալի է «Բուրաստան մանկանցի» (1882–1888) և «Ծաղիկ մանկանց» (1889–1893) հանդեսների դերը հայ մանուկների կրթության ու դաստիարակության և այդ շրջանակներում՝ նաև հայ մանկական գրականության զարգացման գործում^[1]^[2]^[3]։

«Բուրաստան մանկանց»-ի էջերում պարբերաբար տպագրվող բանահյուսական նյութերը՝ առածների, ասացվածքների, հեքիաթների, զրույցների մեծ մասը նույնպես թե՛ ուսուցողական-դաստիարակչական, թե՛ ճանաչողական արժեք ունեն և ինչպես նշել է Խաժակ Գյուլնազարյանը, դրանք, հատկապես առածներն ու ասացվածքները, ի մի հավաքելու դեպքում «հնարավոր կլիներ կազմել մի բավական խոշոր ժողովածու, որ որոշակի պատկերացում կտար արևմտահայ իրականության մեջ անցյալ դարի վերջերին տարածված… այդ բանահյուսական-ժողովրդական ստեղծագործությունների հիմնական ուղղության և գեղարվեստական առանձնահատկությունների մասին»^[4]։

Ծանոթագրություններ[խմբագրել | խմբագրել կոդը]

↑ http://hpj.asj-oa.am/2529/1/2008-2(106).pdf(չաշխատող հղում) ԱՐԵՎՄՏԱՀԱՅ ՄԱՆԿԱՊԱՏԱՆԵԿԱՆ ԳՐԱԿԱՆՈՒԹՅԱՆ ՊԱՏՄՈՒԹՅԱՆ ՈՒՐՎԱԳԻԾ, ԼՅՈՒԴՎԻԳ ԿԱՐԱՊԵՏՅԱՆ, Պատմա-բանասիրական հանդես
↑ «Վիեննայի մենաստանի մամուլի շտեմարան- ԲՈՒՐԱՍՏԱՆ ՄԱՆԿԱՆՑ». Վերցված է 2022 թ․ դեկտեմբերի 16-ին.
↑ «Համահայկական թվանշային գրադարան».
↑ Խ. Գյուլնազարյան. Ակնարկներ հայ մանկական գրականության պատմության, էջ 75։ 10 «Բյուզանդիոն», 1907, −3154, էջ 1

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 617)։

[1] ttp://hpj.asj-oa.am/2529/1/2008-2(106).pdf(չաշխատող հղում) ԱՐԵՎՄՏԱՀԱՅ ՄԱՆԿԱՊԱՏԱՆԵԿԱՆ ԳՐԱԿԱՆՈՒԹՅԱՆ ՊԱՏՄՈՒԹՅԱՆ ՈՒՐՎԱԳԻԾ, ԼՅՈՒԴՎԻԳ ԿԱՐԱՊԵՏՅԱՆ, Պատմա-բանասիրական հանդես

[2] «Վիեննայի մենաստանի մամուլի շտեմարան- ԲՈՒՐԱՍՏԱՆ ՄԱՆԿԱՆՑ». Վերցված է 2022 թ․ դեկտեմբերի 16-ին.

[3] «Համահայկական թվանշային գրադարան».

[4] Խ. Գյուլնազարյան. Ակնարկներ հայ մանկական գրականության պատմության, էջ 75։ 10 «Բյուզանդիոն», 1907, −3154, էջ 1

[1]

[2]

[3]

[4]