Բիշոփ Ռոք
 | |
|---|---|
 | |
| Տեսակ | կղզի |
| Վարչական միավոր | Սիլլի կղզիներ |
| Գտնվում է ափին | Ատլանտյան օվկիանոս |
| Երկիր | .svg){kind=small} Միացյալ Թագավորություն |
| ԲԾՄ | 49 մետր |
 | |
 | |
 Bishop Rock Վիքիպահեստում | |
Բիշոփ Ռոք (անգլ.՝ Bishop Rock), աշխարհի ամենափոքր կառուցապատված կղզին է՝ համաձայն Գինեսի ռեկորդների գրքի[1]։ Ատլանտյան օվկիանոսում գտնվող և Միացյալ Թագավորությանը պատկանող Սիլլի կղզիների կազմում է։ Հաճախ պնդում են, որ Անգլիայի ամենաարևմտյան կետն է, բայց կղզուց մոտ կես կիլոմետր հեռավորության վրա, դեպի արևմուտք գտնվում է Քրիմ Ռոքս (անգլ.՝ Crim Rocks) ժայռը։ Կղզու մակերեսը 720 մ² է, ունի 45 մ երկարություն և ծովի մակերևույթից բարձրանում է 16 մ[2]։
Սիլլի կղզիների ջրերը համարվում են բրիտանական ծովերում ամենավտանգավորը, այստեղ բազմաթիվ նավաբեկություններ են եղել։ Այն բանից հետո, երբ 1707 թվականին ադմիրալ Կլաուդեսլիի նավատորմը այստեղ 2000 մարդ է կորցրել, որոշվել է տարածքում փարոս կառուցել[3]։ Կղզում փարոս կառուցելու առաջին փորձը եղել է 1847 թվականին, բայց կառույցը չի դիմացել ալեկոծությանը և 1850 թվականի փետրվարի 5-ին ջուրը քշել, տարել է այն[2]։ Երկրորդ փորձը հաջորդել է չորս տարի անց և ավարտվել է 1858 թվականին և սկսել է գործել սեպտեմբերի 1-ից։ Ճարտարագետ Ջեյմս Ուոքերը օգտագործել է խոշոր գրանիտե բլոկներ՝ սկզբնական շրջանում դրանք կշռում էին 3000 տ, իսկ հետագա բարելավումներից և հավելումներից հետո՝ 6000 տ։ 1881 թվականին ճարտարագետ Ջոն Դուգլասի նախագծով, փարոսը ամրացնելու նպատակով՝ շուրջբոլորը գոտի են ավելացրել։ Կառույցը տասհարկանի է[2]։
Կառույցը գրանիտե բլոկներից է և ներսից ամրացված է երկաթե հեծաններով, իսկ ստորին հատվածը երեսապատված է գրանիտե հավելյալ շերտով։ Աշտարակի բարձրությունը 49 մետր է, իսկ լույսի հեռավորությունը 24 ծովային մղոն։ 1976 թվականին աշտարակի գլխին ուղղաթիռի վայրէջքի հրապարակ է կառուցվել[4]։ 1992 թվականից ավտոմատացվել է, որից հետո մշտական բնակիչներ չունի։ Չորս այցելու կարող են մեկից-երեք շաբաթ հյուրընկալվել փարոսում[4]։
Էլեկտրական լուսավորությունը փարոսում հայտնվել է միայն 1979 թվականին։ Ժամանակակից էլեկտրամատակարարումը ապահովում են արևային վահանակները։ Նախապես փարոսը աշխատել է մոմերով, իսկ ավելի ուշ՝ նավթային և պարաֆինային լամպերով[5]։
1875 թվականի մայիսի 7-ին կղզուց ոչ հեռու տեղի է ունեցել Բրիտանիայի պատմության մեջ ամենախոշոր ծովային աղետներից մեկը։ Նավարկության սխալի պատճառով «Շիլլեր» առագաստային շոգենավը խրվել է ծանծաղուտըլ։ Մահացել են 335 մարդ, փրկվել են միայն 37-ը։
Ծանոթագրություններ[խմբագրել | խմբագրել կոդը]
- ↑ «World's 7 most dangerous and remote islands». CNN.com. Վերցված է 2013 թ․ օգոստոսի 12-ին.
- ↑ 2,0 2,1 2,2 phototravelguide.ru/mayak/bishop-rok-angliya/ Маяк Бишоп-Рок, Англия
- ↑ http://www.rate1.com.ua/turizm/puteshestvija/3577/ Бишоп-Рок: самый маленький остров на Земле
- ↑ 4,0 4,1 Самый маленький остров в мире
- ↑ «Противостоящий штормам маяк Бишоп-Рок – надежда моряков». proboating.ru. Վերցված է 2016 թ․ օգոստոսի 16-ին.
Արտաքին հղումներ[խմբագրել | խմբագրել կոդը]
- Trinity House – Bishop Rock
- A description of Bishop Rock and the lighthouse Արխիվացված 2014-05-12 Wayback Machine
- OS map image
 | Վիքիպահեստն ունի նյութեր, որոնք վերաբերում են «Բիշոփ Ռոք» հոդվածին։ |
| ||||||
