«Բժիշկ Այբոլիտ» (ռուս.՝ Доктор Айболит), խորհրդային մուլտֆիլմ, որ ստեղծել է ռեժիսր Դավիդ Չերկասսկին[1] ԽՍՀՄ Հեռուստատեսության և ռադիոյի պետական կոմիտեի պատվերով։ Կազմված է բժիշկ Այբոլիտի մասին պատմող յոթ սերիաներից, որ նկարահանվել են Կոռնեյ Չուկովսկու[2]«Այբոլիտ», «Բարմալեյ», «Բժիշկ Այբոլիտը», «Հսկա խավարասերը», «Տզզան ճանճը», «Գողացված արևը» և «Հեռախոս» ստեղծագործությունների հիման վրա։
Ֆիլմ առաջին՝ «Դոկտոր Այբոլիտը և նրա գազանները» (ռուս.՝ «Доктор Айболит и его звери»), 9 րոպե 41 վրկ
Ֆիլմ երկրորդ՝ «Բարմալեյն ու ծովահենները» (ռուս.՝ «Бармалей и морские пираты», 1984), 9 րոպե 46 վրկ
Ֆիլմ երրորդ՝ «Վարվառան՝ Այբոլիտի չար քույրը» (ռուս.՝ «Варвара — злая сестра Айболита», 1984), 9 րոպե 35 վրկ
Այբոլիտ ազգանունով բարի բժիշկը անշահախնդիր բուժում է գազաններին։ Չար ավազակ Բարմալեյը, որի անունով վաղուց վախեցնում էին երեխաներին, բանտում նստած է գետաձիու պահպանության ներքո։ Բարմայելի ծովահեն ընկերները իրենց պարագլխին օգնում են փախչել։ Այդ ժամանակ Վարվառան՝ Այբոլիտի մռայլ քույրը, հեռանում է եղբորից։ Շուտով պատահականության բերմամբ նա հայտնվում է ծովահենների նավում։ Ժամանելով Աֆրիկա՝ ավազակները կենդանիների համար կազմակերպում են «Տզզան ճանճը» տրագիկոմիկական օպերան և բաժանում սարսափելի, նախապես թունավորված և տարբեր վարակներով վարակված հյուրասիրություն, որի պատճառով կենդանիները հիվանդանում են։ Գետաձին, որն ամեն ինչ տեսնում է, զանգահարում է Լենինգրադում գտնվող Այբոլիտին։ Բժիշկն իր ընկերների՝ Կարուդո թութակի, Ավվա շան և Բումբա բվի հետ ճանապարհ են ընկնում։ Այդ ժամանակ Բարմալեյը կոկորդիլոսին հրամայում է կուլ տալ արևը։ Այբոլիտը հասնում է Աֆրիկա և բուժում բոլոր կենդանիներին։ Արջը կոկորդիլոսին հրավիրում է մարտի և փրկում արևը։ Ավազակները դեռ որոշ ժամանակ փորձում են գազաններին վախեցնել հսկայական Խավարասերով, բայց նրան կտցում է ճնճղուկը։ Բարմալեյը վերջապես հանձնվում է։ Այբոլիտը և գազանները որոշում են ներում շնորհել չարագործին և նրան տանում են հեռավոր Լենինգրադ։ Վերադաստիարակված ծովահեններն ու Վարվառան նույնպես հեռանում են նրանց հետ։
.jpg)
ԽՍՀՄ