Ավստրիայի ֆուտբոլային միություն

Վիքիպեդիայից՝ ազատ հանրագիտարանից
Ավստրիայի ֆուտբոլային միություն
ՈՒԵՖԱ
Կազմակերպության պատկերանիշը
Հիմնված 1904
ՖԻՖԱ-ի անդամ 1905
ՈՒԵՖԱ-ի անդամ 1954
Նախագահ Լեո Ուինդտներ
Կայք http://www.oefb.at

Ավստրիայի ֆուտբոլային միություն (գերմաներեն՝ Österreichischer Fußball-Bund), Ֆուտբոլային միությունն ստեղծվել է 1904-ին։ ՖԻՖԱ-ի անդամ 1905-ից։ Խոշորագույն մարզադաշտը «Էռնեստ Հապել» (նախկինում «Պրատեր», Վիեննա)՝ 63.000։

Ազգային հավաքականը (մարզազգեստը՝ սպիտակ մարզաշապիկ, սև վարտիք), 1930-ականներին փայլուն խաղ ցուցադրելով՝ լեգենդային թիմի համբավ ձեռք բերեց եվրոպական ֆուտբոլում։ Նրան անվանում էին «վունդերթիմ» («հրաշք թիմ»), որը կազմալուծվեց 1938-ին, գերմանաֆաշիստական զորքերը զավթեցին Ավստրիան։ Եղել է աշխարհի 1954-ի առաջնության 3-րդ մրցանակակիր, 1936-ի օլիմպիական խաղերի արծաթե մեդալակիր։

Ավստրիական ֆուտբոլին բնորոշ են ուժային պայքարը, արագությունը, գնդակի բազմաքայլ խաղարկումները։

Առաջատար ակումբներն են «Ռապիդը», «Աուստրիան», «Ադմիրան»։

Լավագույն խաղացողներն են Սեստան, Սինդելարը, Բիկան, Բինդերը, Հանապին, Օվցիրկը, Հապելը, Զեմանը, Կոլերը, Հոֆը, Բուցեկը, Պեցեյը, Պրոհազկան, Կրանկլը, Պոլստերը, Հերցոգը և ուրիշներ։ Ֆրանց Բինդերը ընդհանուր առմամբ խփել է 1006 գոլ, որը աշխարհի լավագույն ցուցանիշներից է։

Լավագույն մարզիչներն են Ռապանը և Հապելը։[1]

Աղբյուրներ[խմբագրել]

  1. (2005) Ֆուտբոլի հանրագիտարան։ Երևան: «Գևորգ-Հրայր» ՍՊԸ, էջ 11։ 

Արտաքին հղումներ[խմբագրել]