Ահարոն Ադիբեկյան
 |
Այս հոդվածը կարող է վիքիֆիկացման կարիք ունենալ Վիքիպեդիայի որակի չափանիշներին համապատասխանելու համար։ Դուք կարող եք օգնել հոդվածի բարելավմանը՝ ավելացնելով համապատասխան ներքին հղումներ և շտկելով բաժինների դասավորությունը, ինչպես նաև վիքիչափանիշներին համապատասխան այլ գործողություններ կատարելով։ |
Ահարոն Ադիբեկյան | |
|---|---|
 | |
| Ծնվել է | փետրվարի 27, 1942 |
| Մահացել է | հունվարի 3, 2021[1] (78 տարեկան) |
| Մասնագիտություն | սոցիոլոգ |
| Ալմա մատեր | ՀԱՊՀ և Երևանի պետական համալսարան (1971) |
Ահարոն Ադիբեկյան (փետրվարի 27, 1942 - հունվարի 3, 2021[1]), սոցիոլոգ, «Սոցիոմետր» անկախ սոցիոլոգիական կենտրոնի նախկին տնօրեն։
Կրթություն
[խմբագրել | խմբագրել կոդը]1960-ին ընդունվել է Երևանի Պոլիտեխնիկական ինստիտուտի քիմիկո-տեխնոլոգիական ֆակուլտետ և 1971-ին ավարտել է Երևանի Պետական Համալսարանի փիլիսոփայական բաժանմունքը։ 1971-1974 թթ եղել է Կոնկրետ-սոցիոլոգիական հետազոտությունների ինստիտուտի (Մոսկվա) ասպիրանտ, որտեղ 1978-ին պաշտպանել է թեկնածուական թեզ՝ նվիրված անձի ապրելակերպի ուսումնասիրման տեսամեթոդաբանական հարցերին։
Մասնագիտական գործունեություն
[խմբագրել | խմբագրել կոդը]1981-ին կազմակերպել է սոցիոլոգիական հետազոտությունների խումբ, որը առանց իրավաբանական կարգավիճակի, տնտհաշվարկային հիմունքներով հիմնարկ-ձեռնարկությունների համար կատարել է կիրառական ուսումնասիրություններ աշխատանքի կազմակերպման, աշխատակազմի կառավարման, բնակչության տնտեսական-քաղաքական ակտիվության, նոր սերունդների սոցիալականացման, ընտրությունների անցկացման խնդիրների վերաբերյալ։
1988-ից մշակել և կիրառել է տարրական դպրոց և բարձրագույն ուսումնական հաստատություն ընդունելու թեստային համակարգեր։ 1988-ից զբաղվում է մարկետինգային հետազոտություններով՝ Հայաստանի Ռեկլամային Գործակալության, Հայյուվելիրտորգի, Հայկենցաղսպասրկման, Աշտարակ կաթի, Գրանդ Տոբակոյի, Գրանդ Քենդիի, Սիգարոնի, International Spirit Company-ի, Երևանի կոնյակի գործարանի պատվերներով։
1991-ին հիմնել է «Սոցիոմետր» սոցիոլոգիական կենտրոնը, որը առ այսօր կատարել է ավելի քան 350 հետազոտություններ՝ Համաշխարհային Բանկի, Զարգացման Ասիական Բանկի, UNDP-ի, INTAS-ի, IFES-ի, IDEA-ի, JICA-ի, CIVICUS-ի. Առողջապահության Համաշխարհային Կազմակերպության, ՀՀ Կառավարության և առանձին նախարարությունների, տարբեր կուսակցությունների և հասարակական կազմակերպությունների և անհատ թեկնածուների պատվերները։
Հայտնի է Հայաստանի ներքաղաքական հարցերի շուրջ իր բազմաթիվ վերլուծություններով[2][3][4][5][6]։
Կրթական գործունեություն
[խմբագրել | խմբագրել կոդը]1975-ից դասավանդել է 15 բուհերում մոտ 25 առարկա՝ փիլիսոփայություն, գեղագիտություն, բարոյագիտություն, մեթոդաբանություն, կրոնի պատմություն, ընդհանուր և համեմատական մշակութաբանություն, ընդհանուր և հակ արվեստի պատմություն, քաղաքագիտություն, կառավարման տեսություն, սոցիոլոգիայի հիմունքներ և տարբեր մասնավոր սոցիոլոգիական տեսություններ՝ իրավունքի, բանդային հասարակարգերի, տնտեսագիտության, ԶԼՄ-ների, անձի, պետական վարչարարության, առողջապահության, արվեստի, ընտանիքի, ամուսնության և այլն։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 Մահացել է Ահարոն Ադիբեկյանը
- ↑ «Ահարոն Ադիբեկյան». www.7or.am. Վերցված է 2020 թ․ հուլիսի 8-ին.
- ↑ «Քաղաքական դաշտում ռոմանտիզմն իմաստազրկվում է. Ահարոն Ադիբեկյան». www.tert.am. Արխիվացված է օրիգինալից 2020 թ․ հուլիսի 11-ին. Վերցված է 2020 թ․ հուլիսի 8-ին.
- ↑ LLC, Helix Consulting. «Ա.Ադիբեկյան. Արամ Հարությունյանը միայն 45 տարի հետո կհավաքի նախագահի պաշտոնի համար անհրաժեշտ ձայն». www.panorama.am. Վերցված է 2020 թ․ հուլիսի 8-ին.
- ↑ «Ինչպես կհիշվեն ՀՀ նախագահները՝ ըստ Ա.Ադիբեկյանի». www.civilnet.am. Վերցված է 2020 թ․ հուլիսի 8-ին.
- ↑ One, Studio. «Ահարոն Ադիբեկյանը հույսեր է կապում նորանշանակ վարչապետի հետ». www.yerkir.am. Արխիվացված է օրիգինալից 2020 թ․ հուլիսի 8-ին. Վերցված է 2020 թ․ հուլիսի 8-ին.