Երևանի կոնյակի գործարան

Վիքիպեդիայից՝ ազատ հանրագիտարանից
Երևանի կոնյակի գործարան

Երևանի կոնյակի գործարան, Հայաստանի Հանրապետության ալկոհոլային խմիչքների առաջատար կազմակերպություն։

Անվանումը[խմբագրել]

Ներսես Թահիրյանը

1900 թվականին Փարիզի ցուցահանդեսում Շուստովի արտադրանքը ստացավ «Գրան-պրի» մրցանակ։ Բարձր որակական հատկանիշների շնորհիվ Շուստովին թույլատրեցին շշերի վրա գրել կոնյակ, այլ ոչ թե բրենդի, ինչպես ընդունված էր անվանել խաղողից ստացված այն բոլոր սպիրտային խմիչքները, որոնք չէին աճում Կոնյակ գավառում։

Պատմությունը[խմբագրել]

Երևանի Կոնյակի գործարանը կառուցվել է 1887 թվականին վաճառական Ներսես Թահիրյանի (Թաիրով) կողմից, Հին Էրիվան ամրոցի տեղում։ 1899 թվականին վարձակալության է տալիս, իսկ 1900 թվականին վաճառում է ռուս արդյունաբերող Նիկոլայ Շուստովին։ Ամենամեծ ճանաչումը հայկական կոնյակը ունեցավ 1913 թվականին, երբ «Շուստով և որդիներ» ընկերությունը հայրենական ու օտարերկրյա 30 գործարարների հետ սկսեց մատակարարել իր արտադրանքը ռուսական կայսերական արքունիքին։

1948 թվականին Երևանի գինու-կոնյակի գործարանի (այդպես էր կոչվում նախկին շուստովյան գործարանը) վերակազմավորման արդյունքում առանձնացան Երևանի գինու կոմբինատը և Երևանի կոնյակի գործարանը։

1953 թվականին ավարտվում է նոր շենքի կառուցումը և տեղափոխությունը, Երևանի կոնյակի գործարանը լիովին առանձնանում է։ 1953-1991 թվականներին Երևանի կոնյակի գործարանին էր պատկանում Հայաստանում կոնյակի արտադրության մենաշնորհը։ 1991 թվականից այդ մենաշնորհը վերացվեց։

Երևանի կոնյակի գործարանը 1998 թվականին սեփականաշնորհվեց և մտավ «Pernod Ricard» միջազգային խմբի մեջ։ Գործարքի արժեքը 30 մլն. դոլար էր։

Մասնագետները[խմբագրել]

Գործարանի արտադրանքը Մոսկվայի առևտրի կենտրոններից մեկում

1940-1973 թվականներին Երևանի կոնյակի գործարանի գլխավոր տեխնոլոգն էր Մարգար Սեդրակյանը։ Նա ԽՍՀՄ-ում կոնյակի արտադրության նոր տեխնոլոգիայի հիմնադիրն է։ Ստեղծել է կոնյակներ՝

Երևանի կոնյակի գործարանի այցելուների կենտրոնի ցուցասրահներից մեկում
  • «Հոբելյանական» (ԽՍՀՄ-ում առաջին բաձրագույն որակի կոնյակը),
  • «Դվին»,
  • «Երևան»,
  • «Նաիրի»,
  • «Տոնական»,
  • «Ախթամար»,
  • «Արմենիա»,
  • «40 տարի»,
  • «50 տարի»։

1966 թվականին Սեդրակյանին շնորհվել է «Կոնյակի պատրաստման մեծ վարպետ» պատվավոր կոչումը։

Հետաքրքիր[խմբագրել]

Հայկական կոնյակի սիրահարներից են բազմաթիվ ճանաչված մարդիկ, որոնց թվում էր Ուինսթոն Չերչիլը։ Ստալինը անձանբ էր վերահսկում բրիտանական վարչապետի համար «Դվին» կոնյակի առաքման գործընթացը։ Երբ արդեն ծերունի Չերչիլին հարցրեցին, թե որն է նրա երկարակեցության գաղտնիքը, նա առանց մտածելու պատասխանեց՝ «Երբեք մի ուշացեք ճաշին, ծխեք Հավանայի սիգարներ և խմեք հայկական կոնյակ»։

Արտաքին հղումներ[խմբագրել]