Օզոկերիտ, լեռնային մոմ, միներալ նաֆտիդների (բիտումների) խմբից։ Շոշափելիս ճարպոտ է։ Խտությունը՝ 850-1000 կգ/մ3։ Ունի կերոսինի հոտ։ Հեշտությամբ վառվում է։ Կիրառվում է պարֆյումերիայի արդյունաբերության մեջ՝ քսուքներ և կրեմներ, լաքերի և ներկերի արդյունաբերության մեջ՝ լաքեր պատրաստելու համար, ինչպես նաև օզոկերիտաբուժության համար։ Օզոկերիտի զգալի մասը վերամշակվում է ցերեզինի։ Առավել խոշոր հանքավայրերը հայտնի են Ուկրաինայում, Թուրքմենստանում և Ուզբեկստանում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։
