Քնարիկ Բաբայան

Վիքիպեդիայում կան հոդվածներ Բաբայան ազգանունով այլ մարդկանց մասին։

Քնարիկ Բաբայան
Ծնվել է	1921
Ծննդավայր	Գեղանուշ, Հայաստան
Կրթություն	Երևանի Մխիթար Հերացու անվան Պետական Բժշկական Համալսարան (1943)
Մասնագիտություն	բժիշկ
Աշխատավայր	Համաճարակաբանության, վիրուսաբանություն և բժշկական մակաբուծաբանության ինստիտուտ
Պարգևներ

Քնարիկ Միքայելի Բաբայան (1921, Գեղանուշ, Հայաստան), հայ բժիշկ, Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) գործողությունների մասնակից։

Կենսագրություն

Ծնվել է ծառայողի ընտանիքում։ Ինը տարեկանում ծնողների հետ տեղափոխվել է Կիրովաբադ։ Միջնակարգ կրթությունն ստացել է Կիրովաբադի № 11 դպրոցում (1938)։ Հաջորդ տարի ընդունվել է Երևանի բժշկական ինստիտուտ, ավարտել 1943 թվականին։ Այնուհետև աշխատանքի է ընդունվել Երևանի համաճարակաբանության և մանրէաբանության ինստիտուտում որպես մանրէաբան։

1944 թվականին զորակոչվել է բանակ և 2-րդ Մերձբալթյան ռազմաճակատի զորքերի հետ մասնակցել մարտերին։ Բանակից զորացրվել է 1945 թվականին։ Մինչև 1950 թվականը աշխատել է Երևանի 1-ին մանկական հիվանդանոցում որպես մանկաբույժ, իսկ 1950 թվականից՝ 2-րդ ծննդատան կլինիկական լաբորատորիայում՝ բժիշկ-լաբորանտ։

Ավելի քան երկու տասնամյակ եղել է կլինիկայի արհկոմի նախագահ, ընտրվել է Երևանի քաղաքային խորհրդի պատգամավոր։

Պարգևատրվել է Կարմիր աստղի շքանշանով, «1941-1945 թթ. Հայրենական մեծ պատերազմում ֆաշիստական Գերմանիայի դեմ տարած հաղթանակի համար», «Անձնվեր աշխատանքի համար» և հինգ ուրիշ մեդալներով, բազմաթիվ պատվոգրերով։