Քարե անտառ
Շիլինի քարե անտառ, կրաքարե կազմավորումների խումբ Չինաստանի Յունան նահանգի Շիլին կոմսությունից 500 կմ հեռավորության վրա, իսկ մարզկենտրոն Կունմինից ՝ 90 կմ հեռավորության վրա։ Բարձր ժայռերը ստալագմիտների նման թափվում են գետնին։ Դրանցից շատերը նման են քարացած ծառերի, այդ պատճառով էլ քարե անտառի պատրանք է ստեղծվում։ 2007 թվականից այս վայրի 2 մասեր՝ Նաիգու քարե անտառը (乃古石林) և Սուոգեյ գյուղը (所各邑村) ՅՈՒՆԵՍԿՕ-ի կողմից ճանաչվել են համաշխարհային ժառանգության մաս՝ դասվելով Հարավային Չինաստանի կարստային հուշարձանների շարքում[1]։ Այս վայրը Չինաստանում համարվում է ամենաբարձր կարգի տեսարժան վայր[2]։
Առանձնահատկություններ[խմբագրել | խմբագրել կոդը]
Շիլինի ազգային գեղատեսիլ վայրերի շրջանը (昆明市石林风景区) զբաղեցնում է մոտ 400 կմ2 տարածք և բաժանված է 7 տեսարժան վայրերի։ Դրանք են՝
- Մեծ և փոքր քարե անտառներ (大、小石林), որոնք նաև հայտնի են Լիզիջինգ քարե անտառներ (李子菁石林) անվանմամբ
- Նաիգու քարե անտառ (乃古石林)
- Ջիյուն քարանձավ (芝云洞)
- Չանգ լիճ (长湖- թարգմանաբար՝ Երկար լիճ)
- Յուե լիճ (月湖- թարգմանաբար՝ Լուսնի լիճ)
- Դադիյե ջրվեժ (大叠水)
- Ցիֆենգ քարանձավ (奇峰洞)
Այս գոյացությունները, որոնք առաջացել են կրաքարի քայքայման արդյունքում, մոտ 270 միլիոն տարեկան են և հայտնի են և՛ ներգնա, և՛ ներքին զբոսաշրջիկների շրջանում[3]։ Մոտակայքում կան բազմաթիվ հյուրանոցներ, որտեղ զբոսաշրջիկները կարող են գիշերել։
Մշակութային արժեք[խմբագրել | խմբագրել կոդը]
Համաձայն լեգենդի՝ անտառը Յի ժողովրդից սերած մի գեղեցիկ աղջկա՝ Աշիմայի (阿诗玛) ծննդավայրն է։ Նա սիրահարվում է մի տղայի, սակայն նրան թույլ չեն տալիս ամուսնանալ նրա հետ, և նա վերածվում է քարի այն անտառում, որը դեռ կրում է նրա անունը[4]։ Ամեն տարի 6-րդ լուսնային ամսվա 24-րդ օրը Յի ժողովուրդը տոնում է ջահերի փառատոնը (火把节- Huǒbă Jié), որի ժամանակ պարում են ժողովրդական պարեր և անցկացնում ըմբշամարտի մրցույթներ։
Տրանսպորտային միջոցներ[խմբագրել | խմբագրել կոդը]
Կունմինի հյուսիսային ավտոկայանից Քարե անտառ են տանում ավտոբուսներ։ Ճանապարհը կարելի է անցնել մոտ 1,5 ժամում։ Քարե անտառ կարելի է հասնել նաև Կունմինի կայարանից դեպի Շիլինի կայարան՝ գնացքով մոտ 2 ժամում[5]։
Պատմություն[խմբագրել | խմբագրել կոդը]
Քարե անտառի տեղում մոտ 270 միլիոն տարի առաջ եղել է ծով։ Պերմյան շրջանում ավազանում կուտակված կրաքարի շերտերի վրա առաջացել են ավազաքարե նստվածքներ։ Երբ այս վայրը ժամանակի ընթացքում դուրս է եկել ջրի տակից, քամու և հոսող ջրի ազդեցությամբ ձևավորվել են կրաքարե այս կազմավորումները, և առաջացել է Քարե անտառը[6]։
Ծանոթագրություններ[խմբագրել | խմբագրել կոդը]
- ↑ «Twenty-two new sites inscribed on UNESCO's World Heritage List, and one deleted during Committee meeting in Christchurch». UNESCO World Heritage Convention. 2007 թ․ հունիսի 29. Վերցված է 2011 թ․ փետրվարի 17-ին.
- ↑ Chris Ryan, Gu Huimin and Fang Meng (2009). «Destination planning in China». In Chris Ryan and Gu Huimin (ed.). Tourism in China: Destination, Cultures and Communities (1 ed.). էջեր 11–37. ISBN 9780203886366.
- ↑ «Stone Forest from travelchinayunnan.com». Արխիվացված է օրիգինալից 2007 թ․ նոյեմբերի 22-ին. Վերցված է 2017 թ․ հունիսի 3-ին.
- ↑ «The legend of Ashima (阿诗玛的传说)» (Chinese). Yunnan Provincial Government Website. 2005 թ․ ապրիլի 26. Արխիվացված է օրիգինալից 2006 թ․ ապրիլի 12-ին. Վերցված է 2011 թ․ փետրվարի 17-ին.
{{cite web}}: CS1 սպաս․ չճանաչված լեզու (link) - ↑ "The Stone Forest" ChinaTour.net Արխիվացված 2016-03-04 Wayback Machine Accessed 2014-5-22
- ↑ http://www.uh.edu/~jbutler/kunming/stoneforest.html