Տրոպիկամիդ
Կլինիկական տվյալներ | |
---|---|
Օգտագործման եղանակներ | տեղային (աչքի կաթիլներ) |
Նույնացուցիչներ | |
IUPAC անվանում
(RS)-N-էթիլ-3-հիդրօքսի-2-ֆենիլ-N-(պիրիդին-4-իլմեթիլ)պրոպանամիդ
| |
CAS համար | 1508-75-4 |
PubChem CID | 5593 |
DrugBank | DB00809 |
CompTox Dashboard (EPA) | |
ECHA InfoCard | 100.014.673 |
Քիմիական և ֆիզիկական տվյալներ | |
Մոլային զանգված | 284.353 g/mol |
Տրոպիկամիդ, վաճառքային անունն է նաև Միդրիացիլ, դեղորայք, որն օգտագործվում է միդրիազ առաջացնելու համար, ինչն անհրաժեշտ է աչքը դիտելու համար[1]։ Հատկապես այն օգտագործվում է ակնահատակը դիտելու համար[2]։ Այն օգտագործվում է աչքի կաթիլների տեսքով[1]։ Ազդեցությունը առաջանում է օգտագործումից 40 րոպե հետո և տևում է մինչև 1 օր[1]։
Հաճախակի կողմնակի ազդեցություններից են տեսողության խանգարումը, բարձրացած ներակնային ճնշումը և լուսազգայնությունը[1] ։ Այլ հազվադեպ, բայց ծանր ազդեցություն է փսիխոզը, հատկապես երեխաների մոտ[1]։ Դեռ անհայտ է հղիների կողմից օգտագործելու դեպքում անվտանգ լինելը[3]։ Տրոպիկամիդը հակախոլիներգիկ բուժման հակամուսկարինային մասն է[1]։ Այն դարձնում է աչքի մկանները անընկալ նյարդային ազդակների նկատմամբ[1]։
Տրոպիկամիդը թույլ է տրվել օգտագործել ԱՄՆ-ում 1960 թվականին[1]։ Այն ԱՀԿ-ի հիմնական դեղերի ցուցակում է որպես ամենաանվտանգ և արդյունավետ դեղամիջոցներից մեկը[4]։ Արժեքը զարգացող երկրներում մոտ 4,19$-4,55$ է 15մլ սրվակի համար[5]։ ԱՄՆ-ում բուժման կուրսը արժի 25$-ից քիչ[6]։
Բժշկական կիրառում
[խմբագրել | խմբագրել կոդը]Տրոպիկամիդը հակամուսկարինային դեղամիջոց է, որը առաջացնում է կարճատև միդրիազ (բբի լայնացում) և ցիկլոպլեգիա[7]՝ աչքի կաթիլի տեսքով կիառվելու դեպքում։ Այն օգտագործում են ոսպնյակը, ծիածանաթաղանթը և ապակենման մարմինը ավելի լավ տեսանելի դարձնելու համար։ Իր կարճ ազդեցության շնորհիվ (4–8 ժամ) այն օգտագործվում է ակնահատակը դիտելու համար, բայց կարող է օգտագործվել նաև աչքի վիրահատություններից առաջ։ Կաթիլները օգտագործվում են նաև ուվեիտը բուժելու նպատակով՝ իջեցնելով սինեխիաների ռիսկը և թուլացնելով աչքի առաջային խցիկի բորբոքումը։
Տրոպիկամիդը օգագործվում է p-հիդրօքսիամֆետամինի հետ (վաճառքային անունը՝ Պարեմիդ), որը սիմպատոխթանիչ է։ Սիմպատոխթանիչը ուղղակիորեն խթանում է ծիածանաթաղանթը լայնացնող մկանը և այն նկատելիորեն լայնանում է։ ԱՄՆ-ում տրոպիկամիդի հետ որպես սիմպատոխթանիչ օգտագործվում է 2,5%-անոց ֆենիլէֆրինի հիդրոքլորիդի լուծույթ (Վաճառքային անունը ԱԿ-Դիլէյթ անգլ.՝ AK-Dilate):
Կողմնակի ազդեցություններ
[խմբագրել | խմբագրել կոդը]Տրոպիկամիդը մեծ մաս մարդկանց մոտ բարձրացնում է ներակնային ճնշումը։ Այն կարող է առաջացնել աչքի կարմրություն կամ կոնյուկտիվիտ (եղջերաթաղանթի բորբոքում) և աղոտ տեսողություն (պետք է հետևել հիվանդին, նա կարող է մեքենա վարել միայն դեղի ազդեցությունը վերանալու դեպքում)։ Տրոպիկամիդը հազվադեպ[8] կարող է առաջացնել գլաուկոմայի սրացում։ Սա հաճախ հանդիպում է աչքի նեղացած առաջային խցիկով մարդկանց մոտ։
Տրոպիկամիդը ավելի նախընտրելի է քան ատրոպինը, քանզի ատրոպինը ունի երկար կիսատրոհման պարբերություն, առաջացնում է երկարատև միդրիազ և տեսողության աղավաղում մինչև 1 շաբաթ։ Ատրոպինը մեծ քանակներով օգտագործվելու դեպքում կարող է լինել մահացու և մեծահասակների և երեխաների համար։
Տրոպիկամիդի համակարգային կողմնակի ազդեցությունները շատ հազվադեպ են։
Անօրինական կիրառում
[խմբագրել | խմբագրել կոդը]Ըստ եվրոպական հանձնաժողովի կողմից ֆինանսավորվող ReDNet նախագծի, Ռուսաստանում տրոպիկամիդը օգտագործում են ներերակային, որպես ոչ թանկ թմրամիջոց[9]։ Այն հաճախ խառնում են հերոինի, մեթադոնի և այլ օփիոիդ դեղերի հետ՝ նրանց ազդեցությունը ուժեղացնելու նպատակով, երբ օգտագործվում են ներերակային[10]։
Ստերեոքիմիա
[խմբագրել | խմբագրել կոդը]Տրոպիկամիդը ունի քիրալ կենտրոն և երկու էնանթիոմերներ։ Բուժական նպատակով օգտագործվողները ռացեմատներ են[11]։
Էնանթիոմերներ | |
---|---|
CAS: 92934-63-9 |
CAS: 92934-64-0 |
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 1,5 1,6 1,7 «Tropicamide». The American Society of Health-System Pharmacists. Արխիվացված օրիգինալից 2016 թ․ դեկտեմբերի 28-ին. Վերցված է 2016 թ․ դեկտեմբերի 8-ին.
- ↑ WHO Model Formulary 2008 (PDF). World Health Organization. 2009. էջ 314. ISBN 9789241547659. Արխիվացված (PDF) օրիգինալից 2016 թ․ դեկտեմբերի 13-ին. Վերցված է 2016 թ․ դեկտեմբերի 8-ին.
- ↑ «Tropicamide ophthalmic Use During Pregnancy | Drugs.com». www.drugs.com. Արխիվացված օրիգինալից 2016 թ․ դեկտեմբերի 28-ին. Վերցված է 2016 թ․ դեկտեմբերի 28-ին.
- ↑ «WHO Model List of Essential Medicines (19th List)» (PDF). World Health Organization. 2015 թ․ ապրիլ. Արխիվացված (PDF) օրիգինալից 2016 թ․ դեկտեմբերի 13-ին. Վերցված է 2016 թ․ դեկտեմբերի 8-ին.
- ↑ «Tropicamide». International Drug Price Indicator Guide. Արխիվացված է օրիգինալից 2018-08-23-ին. Վերցված է 2016 թ․ դեկտեմբերի 8-ին.
- ↑ Hamilton R (2015). Tarascon Pocket Pharmacopoeia 2015 Deluxe Lab-Coat Edition. Jones & Bartlett Learning. էջ 415. ISBN 9781284057560.
- ↑ Manny RE, Hussein M, Scheiman M, Kurtz D, Niemann K, Zinzer K (2001 թ․ հուլիս). «Tropicamide (1%): an effective cycloplegic agent for myopic children». Investigative Ophthalmology & Visual Science. 42 (8): 1728–35. PMID 11431435. Արխիվացված է օրիգինալից 2013 թ․ հունվարի 12-ին. Վերցված է 2019 թ․ մարտի 7-ին.
- ↑ Liew G, Mitchell P, Wang JJ, Wong TY (2006 թ․ հունվար). «Fundoscopy: to dilate or not to dilate?». BMJ (Clinical Research Ed.). 332 (7532): 3. doi:10.1136/bmj.332.7532.3. PMC 1325111. PMID 16399709.
- ↑ Bersani FS, Corazza O, Simonato P, Mylokosta A, Levari E, Lovaste R, Schifano F (2013). «Drops of madness? Recreational misuse of tropicamide collyrium; early warning alerts from Russia and Italy». General Hospital Psychiatry. 35 (5): 571–3. doi:10.1016/j.genhosppsych.2013.04.013. PMID 23706777.
- ↑ Krokodil: The drug that eats junkies Արխիվացված 2017-09-22 Wayback Machine
- ↑ Rote Liste (German). Vol. 57. Frankfurt/Main: Rote Liste Service GmbH. 2017. էջ 224. ISBN 978-3-946057-10-9. «Arzneimittelverzeichnis für Deutschland (einschließlich EU-Zulassungen und bestimmter Medizinprodukte)»
{{cite book}}
: CS1 սպաս․ չճանաչված լեզու (link)
Արտաքին հղումներ
[խմբագրել | խմբագրել կոդը]- Makoto Ukai, Ami Okuda, Takayoshi Mamiya (2004). «Effects of anticholinergic drugs selective for muscarinic receptor subtypes on prepulse inhibition in mice». European Journal of Pharmacology. 492 (2–3): 183–187.
{{cite journal}}
: CS1 սպաս․ բազմաթիվ անուններ: authors list (link) - Manny RE, Hussein M, Scheiman M, Kurtz D, Niemann K, Zinzer K (2001 թ․ հուլիս). «Tropicamide (1%): an effective cycloplegic agent for myopic children». Investigative ophthalmology & visual science. 42 (8): 1728–35. PMID 11431435. Արխիվացված է օրիգինալից 2013 թ․ հունվարի 12-ին. Վերցված է 2019 թ․ մարտի 7-ին.
{{cite journal}}
: CS1 սպաս․ բազմաթիվ անուններ: authors list (link)
Վիքիպահեստն ունի նյութեր, որոնք վերաբերում են «Տրոպիկամիդ» հոդվածին։ |
|