Տավոլոժկայի կերամիկայի թանգարան
Տավոլոժկայի կերամիկայի թանգարան | |
|---|---|
 | |
| Տեսակ | տեսարժան վայր |
| Երկիր |  Ռուսաստան |
| Վայր | Սվերդլովսկի մարզ |
| Կայք | tavolgatur.ru |
 | |
 | |
Տավոլոժկայի կերամիկայի թանգարան (ռուս.՝ Музей Таволожской керамики), թանգարան նվիրված Ուրալի ժողովրդական արհեստներին՝ Տավոլոժկայի կերամիկային, ինչպես նաև տեղական բնակչության ազգագրությանն ու առօրյա կյանքին։ Թանգարանը գտնվում է Ռուսաստանի Սվերդլովսկի մարզի Վերին Տավոլգա գյուղի Սվերդլով փողոցի թիվ 20 հասցեում գտնվող հին կավագործական արտադրամասում։
Պատմություն
[խմբագրել | խմբագրել կոդը]Վերին և Ներքին Տավոլգի գյուղերը 18-րդ դարից հայտնի են իրենց կավագործության արտադրությամբ։ Այնտեղ կերամիկա սկսել են արտադրել, երբ գյուղերի մոտ հայտնաբերվել է կարմիր կավի հանքաշերտեր։ Խորհրդային ժամանակաշրջանում խեցեգործական արտադրամասերը ձևափոխվել են արտելների, որոնք հետագայում միավորվել են «Նևյանսկի կերամիկական գործարանին»։ 1990-ական թվականներին կերամիկայի արտադրությունը դադարեցվել է, բայց 2000-ական թվականների սկզբին այն վերականգնվել է։ Ներքին Տավոլգի գյուղի կերամիկական արտադրանքի գործարանը վերածվել է «Տավոլոժկայի կերամիկա» ՍՊԸ-ի և կավագործ Մասիլկովի արտադրամասի, իսկ Վերին Տավոլգիի հին արտադրամասում զբոսաշրջիկների համար բացվել է թանգարան հյուրանոցային համալիրով և փոքրիկ արտադրամաս։
Ցուցադրություն
[խմբագրել | խմբագրել կոդը]Տավոլոժկայի կերամիկայի թանգարանը գտնվում է քարե մեկ հարկանի շենքում, նախկին հին արտադրամասի շենքում։ Թանգարանի մոտ կա փայտե տների համալիր բակ։ Թանգարանի գլխավոր շենքում են գտնվում տեղական արտադրության կերամիկա, հնաոճ կահույք, կռածո սնդուկներ, ժողովրդական կենցաղի այլ իրեր, 18-19-րդ դդ. կենցաղային պարագաներ, անցյալ դարերի խեցեգործների գործիքներ։ Բակում՝ կիսածածկի տակ կարելի է տեսնել 18-րդ դարի կեսից մինչև 19-րդ դարի սկզբի ռուսական կենցաղի հին սահնակները, քառանիվ սայլեր և այլ հին գործիքները։
Վարպետության դասընթացներ
[խմբագրել | խմբագրել կոդը]Թանգարանի արտադրամասում յուրաքանչյուր այցելու կերամիկական հրահանգչի ղեկավարությամբ չափավոր գումարով կարող է ինքնուրույն ստեղծել կերամիկական արտադրանք և իր հետ վերցնել[1]։ Թանգարանին կից գործում է կերամիկայի խանութ։
Հյուրանոց
[խմբագրել | խմբագրել կոդը]Ներքին Տավոլգի գյուղում՝ Տավոլոժկայի հանքային թանգարանի տարածքում, կա փոքրիկ հյուրանոց, որին կից կան երկու հյուրատուն, որոնք կարելի է վարձակալել[2]։
Ծանոթագրություններ
[խմբագրել | խմբագրել կոդը]Արտաքին հղումներ
[խմբագրել | խմբագրել կոդը]- Верхние и Нижние Таволги, Деревни Верхние и Нижние Таволги близ Невьянска известны благодаря производству керамических изделий.
- Таволожская керамика гончарное производство в Верхних Таволгах Источник Արխիվացված 2016-04-10 Wayback Machine
- Таволожская керамика (Верхние Таволги)
- Таволожская керамика: поэзия в глине — Моя провинция Արխիվացված 2017-02-14 Wayback Machine