Վևի ամրոց

Վևի ամրոց
Տեսակ	rocca? և շատո
Երկիր	Բելգիա
Քաղաք	Vêves?
Բնակավայր	Houyet?
կայք
Château de Vêves Վիքիպահեստում

Ամրոցը 19-րդ դարի առաջին քառորդի նկարում

Վևի ամրոց (ֆրանսերեն՝ Château de Vêves), ամրոց Բելգիայում։ Գտնվում է Նամյուր պրովինցիայում, Սել գյուղի մերձակայքում, բարձրադիր ժայռի վրա։ Դասակարգվել է որպես Վալոնիա երկրամասի կարևորագույն ժառանգություն։

Պատմություն

Մի ավանդազրույցի համաձայն՝ այդ ժայռի վրա բերդ կամ ամրոց կառուցվել է սկսած դեռևս յոթերորդ դարից՝ Պիպին Հերստալացու ժամանակներից։

Միջնադարի ավելի ուշ ժամանակներում տեղանքն ընկել է Բոֆորտ ընտանիքի տիրապետության տակ, որի ներկայացուցիչների հանձնարարությամբ և հսկողությամբ մոտավորապես 1220-1230 թվականներին մեծածավալ շինարարական աշխատանքներ են իրականացվել, և կառուցվել է ամրոց։

Համարվում է, որ ներկայիս ամրոցը՝ անկանոն հնգանկյան տեսքով և վեց տարաչափ, կլոր աշտարակներով, կառուցվել է մոտավորապես 1410 թվականին (ի դեպ, ամրոցի անկանոն հնգանկյան ձևը տեղանքի թելադրանքով է ընտրված)։ Հետագայում իրականացվել են վերակառուցումներ, նորացումներ, որոնց արդյունքում փոփոխությունների են ենթարկվել մասնավորապես ներքնաբակի պատերը։ Դրանցից մեկը շարված է երկմակարդակ գալերեայի տեսքով, իսկ մյուսը՝ Լյուդովիկոս Տասնհինգերորդի ոճով, կարմիր աղյուսով։ Ամրոցի հյուսիսային ճակատը պսակված է ոչ մեծ գմբեթով, որի վրա ժամացույց է տեղադրված։

Ներկայումս ամրոցն ունի թանգարանի կարգավիճակ և բաց է հասարակության առջև։

Գրականություն

• Jacqueline Depierreux (Hrsg.): Schlösser an der Maas. Fremdenverkehrsverband der Provinz Lüttich u. a., Lüttich 2006.
• Luc-Francis Genicot: Le grand livre des châteaux de Belgique. Band 1: Châteaux forts et châteaux fermes. Vokaer, Brüssel 1975.
• Marie-Caroline d’Ursel: Fünfzig Schlösser verlebendigen die Geschichte Belgiens. Informationsdienst, 1972.

Արտաքին հղումներ

• Chateau de Veves website Արխիվացված 2015-09-30 Wayback Machine
• Picture of the Chateau

Աղբյուրներ

• Countess Marie-Caroline d'Ursel, Cinquante châteaux evoquent l'histoire de Belgique (Brussels, 1972)

Վիքիպահեստն ունի նյութեր, որոնք վերաբերում են «Վևի ամրոց» հոդվածին։