Վիգեն Հարությունյան
| Վիգեն Հարությունյան | |
|---|---|
| Ծնվել է | ապրիլի 13, 1978 (46 տարեկան) |
| Ծննդավայր | Հադրութ, Ադրբեջանական ԽՍՀ, ԽՍՀՄ |
| Մասնագիտություն | քաղաքական գործիչ |
Վիգեն Վալերիի Հարությունյան(ապրիլի 13, 1978, Հադրութ, Ադրբեջանական ԽՍՀ, ԽՍՀՄ), արցախցի քաղաքական գործիչ, Արցախի Հանրապետության Ազգային ժողովի պատգամավոր՝ «Ազատ հայրենիք-ՔՄԴ» կուսակցության անդամ։
Կենսագրություն
[խմբագրել | խմբագրել կոդը]Վիգեն Հարությունյանը ծնվել է 1978 թվականի ապրիլի 13-ին, Արցախի Հադրութ քաղաքում։ 1995-1998 թվականներին ծառայել է Արցախի Հանրապետության Պաշտպանության բանակում, եղել է տանկի հրամանատար[1]։
2003-2005 թվականներին որպես առաջին կարգի մասնագետ աշխատել է Հադրութի ԿԱՇԿ-ի սոցիալական ապահովագրության վճարների բաժնում։ 2005-2008 թվականներին աշխատել է Արցախի Հանրապետության կառավարությանն առընթեր հարկային ծառայությունում։ 2009-2012 թվականներին որպես ֆինանսատնտեսական մասի պետ աշխատել է Հադրութի զինկոմիսարիատում։
2012-2014 թվականներին Վիգեն Հարությունյանը եղել է Հադրութի հարկային տեսչության գանձումների բաժնի հարկային ավագ տեսուչ, որպես հաշվապահ 2014-2018 թվականներին աշխատել է «Լիլյա Հարությունյան» ԱՁ-ում։
2018-2019 թվականներին զբաղեցրել է Հադրութ համայնքի ղեկավարի պաշտոնը։
2020 թվականի մարտի 31-ի խորհրդարանական ընտրություններում «Ազատ հայրենիք-ՔՄԴ» կուսակցությունների դաշինքի համամասնական ցուցակով ընտրվել է Արցախի Հանրապետության 7-րդ գումարման Ազգային ժողովի պատգամավոր։
Ամուսնացած է, ունի երեք զավակ։
Ծանոթագրություններ
[խմբագրել | խմբագրել կոդը]- ↑ «ՀԱՐՈՒԹՅՈՒՆՅԱՆ ՎԻԳԵՆ ՎԱԼԵՐԻԻ». Արխիվացված է օրիգինալից 2023 թ․ օգոստոսի 16-ին. Վերցված է 2023 թ․ օգոստոսի 16-ին.