Վարդան Ղուկասյան (Դոգ)
Անվան այլ կիրառումների համար տե՛ս՝ Վարդան Ղուկասյան (այլ կիրառումներ)- Վիքիպեդիայում կան հոդվածներ Ղուկասյան ազգանունով այլ մարդկանց մասին։
| Վարդան Յուրիկի Ղուկասյան | |
|---|---|
| Ծնվել է | ապրիլի 25, 1977 (47 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Ազգություն | հայ |
| Կրթություն | «Մխիթար Գոշ» հայ-ռուսական միջազգային համալսարան |
| Մասնագիտություն | ոստիկան և քաղաքական գործիչ |
Վարդան Յուրիկի Ղուկասյան (հայտնի՝ Դոգ[1][2] կամ Դոկ[3] մականունով, ապրիլի 25, 1977, Երևան, Հայկական ԽՍՀ, ԽՍՀՄ), հայ քաղաքական-հասարակական, կուսակցական գործիչ, վիդեոբլոգեր, ՀՀ ռազմական ոստիկանության և ՀՀ ոստիկանության նախկին սպա, «Հանրային ձայն» կուսակցության պատվավոր նախագահ[4], «Դեմոկրատիա, օրենք և կարգապահություն» կուսակցության հիմնադիր և պատվավոր նախագահ։
Կենսագրություն
[խմբագրել | խմբագրել կոդը]Ծնվել է 1977 թ. ապրիլի 25-ին Երևանում: 1994 թ. ավարտել է Հոկտեմբերյանի № 4 միջնակարգ դպրոցը: 1994-1997 թթ.-ին սովորել է Երևանի № 2 պետական բժշկական ուսումնարանի բուժական գործ ֆակուլտետում (մասնագիտացումը՝ բուժակ, ավարտել է 1997 թ. կարմիր դիպլոմով): 1997-1999 թթ.-ին ծառայել է ՀՀ զինված ուժերում: 2005 թ. ավարտել է «Մխիթար Գոշ» հայ-ռուսական միջազգային համալսարանը՝ իրավագետի բակալավրի աստիճանով:
Աշխատանքային գործունեություն
[խմբագրել | խմբագրել կոդը]1999-2010 թթ.-ին ծառայել է ՀՀ ՊՆ Ռազմական ոստիկանության վարչության համակարգում, նախ՝ որպես բուժակ, ապա՝ որպես օպերատիվ բլոկի աշխատակից նույն վարչության տարբեր ստորաբաժանումներում (2000 թ.-ից): 2010-2011 թթ.-ին եղել է ՀՀ պաշտպանության փոխնախարարի աշխատակազմի սպա: 2011-2014 թթ. ծառայել է ՀՀ ոստիկանության համակարգում:
Վիդեոբլոգ
[խմբագրել | խմբագրել կոդը]Վարդան Ղուկասյանը արտերկրում գտնվելու ընթացքում YouTube և Facebook կայքերի իր անձնական հաշիվներով սկսել է հասարակական-քաղաքական տեսանյութերի հրապարակում, ուղիղ հեռարձակումներ, որոնք կարճ ժամանակում մեծ մասայականություն են ստացել[5]։ Տեսանյութերում նա հանդես է գալիս ոչ նորմատիվային խոսույթով և տարատեսակ բռնությունների՝ հատկապես սեռական բռնության կոչերով[6]։
Քաղաքական գործունեություն
[խմբագրել | խմբագրել կոդը]«Հայոց Հայրենիք» կուսակցություն
[խմբագրել | խմբագրել կոդը]2021 թ. ՀՀ ԱԺ արտահերթ ընտրություններին մասնակցում էր «Հայոց Հայրենիք» կուսակցությունը, որի թռոուցիկների վրա փակցված էր Վարդան Ղուկասյանի նկարը, չնայած նա ներառված չէր ցուցակում, քանի որ գտնվում էր հետախուզման մեջ[7]։
«Հանրային ձայն» կուսակցություն
[խմբագրել | խմբագրել կոդը]«Հանրային ձայն» կուսակցությունը ստեղծվել է 2022 թ. օգոստոսի 6-ին։ Երևանում կայացած կուսակցական համագումարում կուսակցության նախագահ է ընտրվել Արտակ Գալստյանը, իսկ պատվավոր նախագահ ընտրվել է Վարդան Ղուկասյանը[8]։ Ներկայումս կուսակցությունը գործում է որպես արտախորհրդարանական ուժ։
Կուսակցությունը մասնակցել է Երևանի 2023 թ. ավագանու ընտրություններին՝ ստանալով ավագանու 7 մանդատ[9][10]։
«ԴՕԿ» կուսակցություն
[խմբագրել | խմբագրել կոդը]2024 թ. հունվարի 19-ին «Հանրային ձայն» կուսակցության համագումարում Ղուկասյանը հայտարարեց, որ ստեղծում է նոր «ԴՕԿ» կուսակցություն (Դեմոկրատիա, օրենք և կարգապահություն)[11]։
Քրեական հետապնդում
[խմբագրել | խմբագրել կոդը]2023 թ. մայիսի 25-ին Հայաստանի քննչական կոմիտեն նախաձեռնված քրեական վարույթի շրջանակներում հարուցել է հանրային քրեական հետապնդում «Հանրային ձայն» կուսակցության պատվավոր նախագահ Վարդան Ղուկասյանի նկատմամբ։ Հայաստանի ոստիկանությունը նախաձեռնել է Ինտերպոլի միջոցով միջազգային հետախուզում իրականացնել Վարդան Ղուկասյանի նկատմամբ[12]։
Ծանոթագրություններ
[խմբագրել | խմբագրել կոդը]- ↑ «Վարդան Ղուկասյան (Դոգ) - Թեմայի վերաբերյալ վերջին լուրերը». Sputnik Արմենիա (ամհարերեն). Վերցված է 2024-07-13-ին.
- ↑ Բեդեւյան, Աստղիկ (2024-01-12). ««Հանրային ձայն»-ը դադարեցնում է Վարդան Ղուկասյանի անդամությունը կուսակցությանը». «Ազատ Եվրոպա/Ազատություն» ռադիոկայան. Վերցված է 2024-07-13-ին.
- ↑ https://www.youtube.com/watch?v=p7CUnXrcvyU. «"Դոկտոր" մականուն».
{{cite web}}: External link in|last=|url=(օգնություն)CS1 սպաս․ թվային անուններ: authors list (link) - ↑ ««Հանրային ձայնը» «սյուրպրիզներ» է խոստանում». iravunk.com. Վերցված է 2023 թ․ հոկտեմբերի 3-ին.
- ↑ ՔՆՆՉԱԿԱՆ ԿՈՄԻՏԵՆ ՎԱՐԴԱՆ ՂՈՒԿԱՍՅԱՆԻ ՎԵՐԱԲԵՐՅԱԼ ՆՈՐ ՄԱՆՐԱՄԱՍՆԵՐ Է ՀԱՅՏՆՈՒՄ
- ↑ Civilnet (2023 թ․ ապրիլի 17). «Վարդան Ղուկասյանի նկատմամբ քրեական հետապնդում է հարուցվել». CIVILNET. Վերցված է 2023 թ․ հոկտեմբերի 3-ին.
- ↑ LLC, Helix Consulting. «Ո՞վ կա «Հայոց հայրենիքի» ցուցակում. Դոգի քույրերը». www.panorama.am (անգլերեն). Վերցված է 2024 թ․ ապրիլի 12-ին.
- ↑ ««Հանրային ձայնի» նախագահ ընտրվեց Արտակ Գալստյանը, պատվավոր նախագահ՝ Վարդան Ղուկասյանը». lurer.com.
- ↑ «ՔՊ՝ 24 մանդատ, «Ազգային առաջընթաց»՝ 14 մանդատ, «Մայր Հայաստան»՝ 12 մանդատ, «Հանրապետություն»՝ 8 մանդատ, «Հանրային ձայն»՝ 7 մանդատ. ԿԸՀ-ն ամփոփեց Երևանի ավագանու ընտրությունների վերջնական արդյունքները». www.tert.am. Արխիվացված է օրիգինալից 2023 թ․ հոկտեմբերի 3-ին. Վերցված է 2023 թ․ հոկտեմբերի 3-ին.
- ↑ «Ովքեր են Երևանի ավագանու «Հանրային ձայն» խմբակցության անդամները». Hetq.am. 2023 թ․ հոկտեմբերի 3. Վերցված է 2023 թ․ հոկտեմբերի 3-ին.
- ↑ «Վարդան Ղուկասյանը նոր կուսակցություն է հիմնում՝ «ԴՕԿ»».
- ↑ ««Դոգ» մականունով հայտնի Վարդան Ղուկասյանին կալանավորելու որոշում է կայացվել․ նրան Հայաստանին փոխանցելու ուղղությամբ միջոցներ են ձեռնարկվել». armenpress.am. Վերցված է 2023 թ․ հոկտեմբերի 3-ին.