Jump to content

Վասկո դա Գամա աշտարակ

Վիքիպեդիայից՝ ազատ հանրագիտարանից
Վասկո դա Գամա աշտարակ
Torre Vasco da Gama
Տեղագրություն Պորտուգալիա Պորտուգալիա Լիսաբոն
Կառուցման ժամանակ 1998-2007
Օգտագործում հյուրանոց, ռեստորան
Բարձրություն
Ծայրաձող 145 մետր
Տանիք 72 մետր
Տեխնիկական պարամետրներ
Հարկերի թիվ 22
Ճարտարապետ Լեոնոր Ժանեյրո, Նիկ Ջեյկոբս

Վասկո դա Գամա աշտարակ (պորտ.՝ Torre Vasco da Gama), վանդակավոր աշտարակ, որը գտնվում է Պորտուգալիայի մայրաքաղաք Լիսաբոնում, Տախո գետի հյուսիսային ափին։ Բարձրությունը 145 մետր է։ Կրում է պորտուգալացի ծովագնաց Վասկո դա Գամայի անունը։

Աշտարակի ճարտարապետներն են` Լեոնոր Ժանեյրոն, Նիկ Ջեյկոբսը և SOM (Skidmore, Owings and Merrill) ամերիկյան ճարտարապետական բյուրոն[1][2][3]։ Պողպատյա կառուցվածքը, որը նման է կարավելլա առագաստանավի[4][5], նախագծել է Martifer ընկերությունը[6]։

Աշտարակը կառուցվել է 1998 թվականին՝ Համաշխարհային ցուցահանդեսի համար։ Շինության ստորին հատվածում եռահարկ կառույց է, որը ցուցահանդեսում ծառայել է որպես Եվրոպական Միության տաղավար։

Երկու դիտահարթակները և ռեստորանը փակվել են 2004 թվականի հոկտեմբերին։ Երբ դրանք շահագործվում էին, աշտարակը ամենաբարձր կառույցն էր Պորտուգալիայում, որը բաց էր հանրության համար[7] (չհաշված կամուրջները)։

Հիմնական կառույցները ցուցահանդեսի փակումից հետո պետք է օգտագործվեին որպես վարձակալված գրասենյակային տարածքներ, սակայն այդպես էլ վարձակալներ չեն գտնվում։ Փոխարենը այն օգտագործվել է առանձին միջոցառումների համար, ինչպիսին էր նոր MINI ավտոմեքենայի համաշխարհային պրեմիերան 2001 թվականին։ 2006 թվականին աշտարակի վրա բարձրացել է ալպինիստ Ալեն Ռոբերը։ Միջոցառումը կազմակերպել է Optimus Telecommunications պորտուգալական ընկերությունը, որն իրենից ներկայացնում է բջջային կապի ծառայություն։

Էկսպո պարկը թույլտվություն ստացել է պորտուգալացի ճարտարապետ Նինո Լեոնիդասի նախագծի համար, ըստ որի պարկը պետք է ընդլավի գետի երկայնքով, որպեսզի կառուցվի հյուրանոց, որը բաղկացած կլինի 20 հարկից և կունենա 178 սենյակ[8][9]։ Հիմնական շինությունը քանդվել է 2007 թվականի հուլիսից-սեպտեմբեր ժամանակահատվածում, և հյուրանոցի շինարարությունը սկսվել է 2007 թվականի հոկտեմբերին[10]։ Հյուրանոցն անվանվել է «Myriad by Sana Hotels», որը ղեկավարում է պորտուգալական Sana Hotels ընկերությունը[11]։

Պատկերասրահ

[խմբագրել | խմբագրել կոդը]

Ծանոթագրություններ

[խմբագրել | խմբագրել կոդը]
  1. ↑ Эбби Бассел SOM Evolutions: Recent Work of Skidmore, Owings & Merrill. — E&FN Spon., 2000. — С. 57. — 191 с.
  2. ↑ Deutsche Bauzeitung: Fachzeitschrift für Architektur und Bautechnik. — 132. — 1998. — С. 12.
  3. ↑ Controspazio. — Том 29, Выпуски 4-6. — Edizioni Dedalo, 1998. — С. 68.
  4. ↑ Macau (China: Special Administrative Region), Instituto Cultural Review of culture. — Выпуски 29-32. — Instituto Cultural do Governo da R.A.E. de Macau, 2009. — С. 48.
  5. ↑ Дэвид Эванс Cadogan Guide Portugal. — Cadogan Guides USA, 2010. — С. 378. — 544 с. — ISBN 9781566567671
  6. ↑ International Directory of Company Histories / Jay P. Pederson. — Том 97. — ST JAMES Press, 2008. — С. 291. — 691 с. — ISBN 1558626182
  7. ↑ Time Out Guides Ltd. Time Out Lisbon. — 2. — Penguin, 2001. — С. 103. — 316 с. — ISBN 0140293868
  8. ↑ «Torre Vasco da Gama > Factoría Urbana: Ciudades y arquitectura». www.factoriaurbana.com. Արխիվացված է օրիգինալից 2016 թ․ հուլիսի 31-ին. Վերցված է 2016 թ․ դեկտեմբերի 25-ին.
  9. ↑ «Projects: Myriad by SANA Hotels». NLA (Nuno Leonidas Arquitectos).
  10. ↑ atomicorecp (2007 թ․ սեպտեմբերի 9). «Demolição da Torre Vasco da Gama (Parque das Nações)». Վերցված է 2016 թ․ դեկտեմբերի 25-ին.
  11. ↑ «SANA Hotels :: SANA Hotels :: Book Your Stay Your Way». www.sanahotels.com. Վերցված է 2016 թ․ դեկտեմբերի 25-ին.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Վասկո դա Գամա աշտարակ» հոդվածին։
 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Վասկո_դա_Գամա_աշտարակ&oldid=9378376» էջից