Պապաքարի լեռներ

Պապաքարի լեռնաշղթա, ՀՀ Տավուշի մարզի ծայր հյուսիսում։ Ձգվում է Դեբեդի հովտից մինչև Կուր և Խրամ գետերի միախառնման վայրը։ Երկարությունը 24 կմ է, միջին բարձրությունը՝ 600-1000 մ, էրոզային, մնացորդային ցածրադիր լեռնաշղթա է՝ կազմված կրաքարերից, ավազաքարերից ու մերգելներից։ Լանջերը մասնատված են ոչ խոր հովիտներով։ Ստորոտին կան բազմաթիվ արտաբերման կոներ, տեղ-տեղ՝ նոսրանտառներ և չորասեր թփուտներ։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։