Սյունիքի մարզային գրադարան
 | |
| Երկիր |  Հայաստան |
|---|---|
| Տեսակ | մարզային գրադարան |
| Հիմնվել է | 1934 |
| Տեղադրություն | Կապան |
| Հասցե | Շահումյան փող., 12 շենք |
| Հավաքածուներ | |
| Չափ | 74 000 գիրք |
| Հասանելիություն և օգտագործում | |
| Այլ տվյալներ | |
| Տնօրեն | Լիաննա Գասպարյան |
| Անձնակազմ | 38 |
| Կայք | syunik.reglib.am |
Սյունիքի մարզային գրադարան, տեղեկատվական, մշակութային, կրթական և դաստիարակչական գործունեություն իրականացնող հաստատություն Կապանում։
Պատմություն
[խմբագրել | խմբագրել կոդը]Կապանում առաջին գրադարանը հիմնվել է 1934 թվականին՝ նախկին խրճիթ-ընթերցարանի և հավաքովի գրքային ֆոնդի հիման վրա։ Նրա առաջին գրադարանավարն է եղել Հերսելյա Սարդարյանը, այնուհետև՝ Հովհաննես Առաքելյանը, Արշավիր Ծատրյանը։
1948-52 թվականներին Վարդուշ Համբարձումյանը աշխատել է որպես գրադարանի վարիչ։ 1952 թվականից Թիվ 1-ին գրադարանի վարիչ է աշխատել Էմմա Հարությունյանը, գրադարանավար՝ Մարուսյա Դավթյանը։ Մարուսյա Դավթյանին հետագայում փոխարինեցին Պայծառիկ Մեժլումյանը, Արծվիկ Ստեփանյանը, Վրաժիկ Բաղդասարյանը։ Թիվ 1-ին գրադարանը գործեց մինչև 1980 թվականի սկզբները, 1980 թվականի մարտի 1-ից Թիվ 1 գրադարանի հիման վրա ստեղծվեց Գրադարանների կենտրոնացված համակարգը։ Գրադարանը հետագայում անվանվեց ԳԿՀ-ի սպասարկման բաժին։ ԳԿՀ-ն ուներ հետևյալ բաժինները՝ սպասարկման, մանկական, գրապահոց, մեթոդ-մատենագիտական, կոմպլեկտավորման և մշակման բաժիններ, իսկ ավելի ուշ՝ արվեստի բաժին։ ԳԿՀ-ի տնօրենն էր Մուշեղ Համբարձումյանը, իսկ 1982 թվականից մինչև 2015 թվականը Սուսաննա Մինասյանը։
ԳԿՀ-ն ուներ 80 մասնաճյուղ գրադարաններ, ներառյալ Քաջարան քաղաքը և տարածաշրջանի գյուղերը։ ԳԿՀ-ն տարվա ընթացքում 40-45000 միավոր գիրք էր ստանում և բաշխում համակարգի բաժիններին։ ԳԿՀ-ի ստեղծման հետ մեկտեղ փոխվեց նաև գրականության դասակարգումը։
1997 թվականի հունվարի 1-ից Կապանի շրջանային կուլտուրայի բաժնի լուծարման ժամանակ Գրադարանների կենտրոնացված համակարգի կենտրոնական գրադարանը (ԳԿՀ) վերակազմավորվել է Հայաստանի Հանրապետության մշակույթի, երիտասարդության և սպորտի նախարարության Սյունիքի մարզի հանրապետական գրադարանի, Հայաստանի Հանրապետության մշակույթի, երիտասարդության և սպորտի նախարարի
2002 թվականի հուլիսի 18-ին թիվ 289 հրամանի համաձայն Սյունիքի մարզի հանրապետական գրադարանը վերակազմավորվել է Հայաստանի մշակույթի նախարարության «Սյունիքի մարզային գարադարան» պետական ոչ առևտրային կազմակերպության (ՊՈԱԿ)։
2007 թվականի հուլիսի 6-ին բացվել է «Ամերիկյան անկյունը» Հայաստանում ԱՄՆ դեսպանատան աջակցությամբ, որը հագեցված է տեղեկատվական ժամանակակից սարքավորումներով և պարբերաբար համալրվում է նոր գրականությամբ, ապահովված է էլեկտրոնային պարբերականների և այլ ռեսուրսների բաժանորդագրությամբ։ 2015 թվականից գործարկվում է էլեկտրոնային գրացուցակների «ALEPH» ծրագիրը, իսկ 2017 թվականից՝ «KOHA» ծրագիրը։ 2018 թվականին ավարտվել է «Սյունիքի մարզային գրադարան» ՊՈԱԿ-ի բոլոր բաժինների ֆոնդերի ավտոմատացված գրացուցակների ստեղծման աշխատանքները։ 2016 թվականից Սյունիքի մարզային գրադարանը մասնակցում է Հայ պարբերական մամուլի թվայնացման աշխատանքներին[1]։ Այժմ Սյունիքի մարզային գրադարանի գրքային ֆոնդը կազմում է ավելի քան 77665 միավոր գիրք։ Գրադարանը կապեր ունի շուրջ 9 կրթամշակութային հաստատությունների, ավելի քան 10 գրադարանների և 9 կազմակերպությունների հետ։ Սյունիքի մարզային գրադարանը գտնվում է Կապան քաղաքում, Շահումյան փողոցի, շենք 6-րդ և 12-րդ բազմաբնակարան շենքերի առաջին հարկում։
Բաժիններ
[խմբագրել | խմբագրել կոդը]- Գրադարանային հավաքածուի համալրման և մշակման բաժին
- Սպասարկման բաժին
- Ընթերցասրահի բաժին
- Արվեստի բաժին
- Մանկական բաժին
- Մատենագիտական տեղեկատվության բաժին
- Գրադարանային հավաքածուի կազմակերպման, օգտագործման և պահպանման բաժին
- Գրադարանային գործի ավտոմատացման, էլեկտրոնային տեղեկատվության և սպասարկման բաժին
- Տնտեսական բաժին
- Հաշվապահություն
- Ամերիկյան անկյուն
Ծանոթագրություններ
[խմբագրել | խմբագրել կոդը]- ↑ «Սյունիքի մարզային գրադարան — «Մարդը այն է, ինչ կարդում է...» Ի. Բրոդսկի». syunik.reglib.am. Վերցված է 2018 թ․ նոյեմբերի 3-ին.