Ջոն Դիզլի
Ջոն Դիզլի | |
---|---|
![]() | |
Անձնական տեղեկություն | |
Սեռ՝ | արական |
Մասնագիտացում՝ | թեթևատլետ և orienteer |
Երկիր՝ | ![]() |
Ծննդյան ամսաթիվ՝ | նոյեմբերի 20, 1928[1] |
Ծննդավայր՝ | Գվինեդ, Ուելս, Միացյալ Թագավորություն |
Մահվան ամսաթիվ՝ | փետրվարի 8, 2016[2] (87 տարեկան) |
Մահվան վայր՝ | Լոնդոն, Միացյալ Թագավորություն[3] |
Հասակ՝ | 180 սանտիմետր |
Քաշ՝ | 71 կիլոգրամ |
Ջոն Այվոր Դիզլի (անգլ.՝ John Ivor Disley, նոյեմբերի 20, 1928[1], Գվինեդ, Ուելս, Միացյալ Թագավորություն - փետրվարի 8, 2016[2], Լոնդոն, Միացյալ Թագավորություն[3]), բրիտանացի թեթևաթլետ, վազող միջին հեռավորության վրա։ Հանդես է եկել Մեծ Բրիտանիայի և Ուելսի հավաքականներում ողջ 1950-ականներին։ Մասնակից է երկու ամառային Օլիմպիական խաղերի, Հելսինկիում Օլիմպիական խաղերի բրոնզե մեդալակիր, աշխարհի բազմակի առաջնությունների հաղթող։ Նաև հայտնի է որպես սպորտային կազմակերպիչ ու պաշտոնյա, Լոնդոնյան մարաթոնի հիմնադիրներից մեկը։
Կենսագրություն
[խմբագրել | խմբագրել կոդը]Ջոն Դիզլին ծնվել է 1928 թ. նոյեմբերի Ուելսի Գուինետ շրջանի Կորրիս գյուղում։ Ավարտել է տղաների համար նախատեսված Օզուեստրի ավագ դպրոցը, ապա սովորել է Լաֆբորոյի քոլեջում։ Երիտասարդ տարիներից զբաղվում է թեթև աթլետիկայով, վազում է միջին հեռավորության վրա, վերապատրաստում է անցել Լոնդոնում՝ մարզական ակումբ L. A. C.-ում։
Ամենամեծ հաջողությունը միջազգային ասպարեզում հասավ 1952 թ. մրցաշրջանում, երբ մտավ բրիտանական ազգային հավաքականի հիմնական կազմ և շնորհիվ հաջող ելույթների, արժանացել է Հելսինկիի ամառային Օլիմպիական խաղերում ներկայացնել իր հայրենիքի անունը։ 3000 մետր վազքում հաղթահարել է խոչընդոտները, կարողացել է հասնել եզրափակիչ և զբաղեցրել է կարևոր մրցավազքի երրորդ տեղը, նվաճելով դրանով իսկ բրոնզե մեդալը. վերջնագծում նրան շրջանցել են միայն ամերիկացի Խորեյս Էշենֆելտերը և խորհրդային վազորդ Վլադիմիր Կազանցովը։
1954 թ.-ին Դիզլին այցելել է Բրիտանական կայսրության Խաղերին ու Ազգերի Համագործակցության խաղերին՝ Վանկուվերում, որտեղ, սակայն, մրցանակակի արժանանալ չի կարողացել, մեկ մղոն վազքում դուրս մնաց պայքարից մեդալների համար նախնական որակավորման փուլից։ 1955 թվականին սահմանել է իր անձնական ռեկորդը՝ հաղթահարելով հեռավորությունը 8:44,2 ժամանակում։ Գտնվելով Մեծ Բրիտանիայի աթլետնորի թիմի առաջատարների թվում՝, բարեհաջող անցել է 1956 թ. Մելբուռնի Օլիմպիական խաղերի որակավորման փուլը, կրկին դուրս եկավ եզրափակիչ 3000 մետր վազքում, բայց այս անգամ ավարտել էր միայն վեցերորդ արդյունքով։
Մելբուռնի օլիմպիական խաղերից հետո դեռ որոշ ժամանակ մնացել է Մեծ Բրիտանիայի և Ուելսի ազգային հավաքականների հիմնական թիմերում, շարունակել է մասնակցել միջազգային խոշոր մրցումների։ Այսպես, 1958-ին նա ելույթ է ունեցել Բրիտանական կայսրության ու Համագործակցության ազգերի Քարդիֆում տեղի ունեցած տնային խաղերին՝ մեկնարկելով երեք մղոն հեռավորության վազքուղում, սակայն չի կարողացել ավարտել։ Շուտով այդ մրցումների ավարտին որոշում է կայացրել ավարտել իր պրոֆեսիոնալ մարզիկի կարիերան, իր տեղը զիջելով հավաքականի երիտասարդ բրիտանացի աթլետներին։
Ավարտելով սպորտային կարիերան՝ զբաղվել է վարչական գործունեությամբ, ձեռք է բերել սպերտային կազմակերպիչի համբավ։ 1981 թվականին օլիմպիական չեմպիոն Քրիս Բրաշերի հետ միասին հիմնել է հայտնի Լոնդոնյան մարաթոնը. այս գաղափարը նրա մոտ եկել է 1979 թվականին, այն բանից հետո, երբ նա վազել է Նյու-Յորքյան մարաթոնում և գտնվում էր դրա տպավորության տակ։ Ավելի ուշ զբաղեցրել է Լոնդոնյան մարաթոնի բարեգործական հիմնադրամի նախագահի պաշտոնը։ 1974-1982 թթ Ժամանակահատվածում եղել է Բրիտանական մարզական խորհրդի փոխնախագահի պաշտոնում։ Եղել է նախագահ ուելսական Snowdonia Society-ում։
Ամուսնացած է եղել հայտնի բրիտանացի վազորդուհի Սիլվիա Չիզմենի (Դիզլի) հետ, որը նույնպես բրոնզե մեդալակիր է Հելսինկի Օլիմպիական խաղերում։
Մահացել է կարճատև հիվանդությունից հետո՝ 2016թ. փետրվարի 8-ին՝ 87 տարեկան հասակում[4]։
Ծանոթագրություններ
[խմբագրել | խմբագրել կոդը]- ↑ 1,0 1,1 World Athletics database
- ↑ 2,0 2,1 2,2 http://www.athleticsweekly.com/featured/john-disley-dies-aged-87-38805/
- ↑ 3,0 3,1 3,2 http://www.runnersworld.com/obituary/john-disley-cofounder-of-london-marathon-dies-at-87
- ↑ «John Disley: London Marathon co-founder dies aged 87». BBC Wales. BBC. Վերցված է 2016 թ․ փետրվարի 8-ին.
Արտաքին հղումներ
[խմբագրել | խմբագրել կոդը]- Կաղապար:Sports-reference (անգլ.)