Ջեներալի Արենա (Վիեննա)

Ջեներալի Արենա
Տեսակ	ֆուտբոլային մարզադաշտ
Մարզաձև	ֆուտբոլ
Տեղագրություն	Վիեննա
Երկիր	Ավստրիա
Հիմնադրված	1925
Բացված	1925
Սեփականատեր	Վիեննա
Գործաղեկավար	Ավստրիա
Տարողություն	17 656
Տնային թիմ	Աուստրիա Վիեննա
Կայք	fk-austria.at/de
	Generali Arena Վիքիպահեստում

Ջեներալի Արենա կամ Ֆրանց Հոռ ստադիոն (Franz-Horr-Stadion), ֆուտբոլի խաղադաշտ Ավստրիայի մայրաքաղաք Վիեննայի հարավային մասում։ 1973 թվականից ի վեր Վիեննայի Աուստրիա ֆուտբոլային ակումբի այսպես ասած՝ տնային մրցասպարեզն է։ Կառուցվել է 1925 թվականին՝ որպես չեխ ներգաղթյալների SK Slovan Vienna ակումբի տնային մարզադաշտ և նախատեսված է եղել 10,850 մարզասեր հանդիսականների համար^[1]։ Այնուհետև վերանվանվել է այդ տարածքը գնած չեխական մեկ այլ ֆուտբոլային ակումբի՝ České srdce ("Չեխական սիրտ") անունով։ Երկրորդ համաշխարհային պատերազմի տարիներին մեծ չափով վնասվել է. չորս տրիբունաները հետագայում մի քանի անգամ վերակառուցվել են։ 1974 թվականին, երբ մահացել է Wiener Fußball-Verband-ի (Վիեննայի ֆուտբոլի ասոցիացիայի) նախագահ Ֆրանց Հոռը, մարզադաշտը նրա պատվին անվանակոչվել է Franz-Horr-Stadion:

Մրցասպարեզի վերջին խոշոր վերակառուցումը տեղի է ունեցել 2008 թվականին, երբ ամբողջովին նորացվել է արևելյան տրիբունան՝ դառնալով երկյարուս և ստանալով տեղաշարժվելու «ունակություն»։ Այդ նորարարություններից հետո մարզադաշտի նստատեղերի թիվը հասցվել է 17,656-ի։

2011 թվականի հունվարին մրցասպարեզը վերանվանվել է Generali Arena՝ ի պատիվ Վիեննայի «Աուստրիա» ֆուտբոլային ակումբի հովանավոր Assicurazioni Generali ապահովագրական ընկերությունների խմբի։ Քանի որ UEFA-ն չի ընդունում և չի ճանաչում մարզադաշտերը հովանավորների անուններով կոչելը, խաղադաշտը եվրոպական մրցախաղերի ժամանակ կոչում են "Austria Arena":

Գրականություն[խմբագրել | խմբագրել կոդը]

Adolf Navratil: SK Slovan 1902–1952, Wien 1952
„SK Slovan - Eine Station vor dem Ende der Welt“ in Hubert Pramhas/Wolfgang Slapansky: Rote Teufel leben Länger, Wien 1993
„Das Franz Horr-Stadion“ in Josef Huber: 75 Jahre Wiener Fußball-Verband, Wien 1998
„Die Stadien: Wo die Austria tätig war“ in Matthias Marschik: Wiener Austria, Wien 2001