Մյասնիկ Մալխասյան
| Մյասնիկ Մալխասյան | |
|---|---|
| Ծնվել է | փետրվարի 15, 1961 (63 տարեկան) |
| Ծննդավայր | Ապարանի շրջան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | Երևանի պետական համալսարան (1987) |
| Մասնագիտություն | քաղաքական գործիչ |
| Զբաղեցրած պաշտոններ | Հայաստանի Ազգային ժողովի պատգամավոր |
Մյասնիկ Ժորայի Մալխասյան (փետրվարի 15, 1961, Ապարանի շրջան, Հայկական ԽՍՀ, ԽՍՀՄ), Հայաստանի Հանրապետության Ազգային ժողովի նախկին պատգամավոր։
Կենսագրություն
[խմբագրել | խմբագրել կոդը]Մյասնիկ Մալխասյանը ծնվել է 1961 թվականի փետրվարի 15-ին Ապարանի շրջանի Թթուջուր գյուղում։ 1987 թվականին ավարտել է Երևանի պետական համալսարանը։ Ստացել է Ֆիզիկոսի և մանկավարժի որակավորում։ 1980-1982 թվականներին ծառայել է խորհրդային բանակում։ 1987 թվականին Թթուջուր գյուղում աշխատել է ուսուցիչ, իսկ 1987-1995 թվականներին աշխատել է Չքնաղ գյուղի դպրոցի տնօրեն։ 1990-1995 թվականներին՝ Ապարանի շրջխորհրդի պատգամավոր։ 1997-1999 թվականներին եղել է Հայաստանի Հանրապետության պաշտպանության նախարարության զինծառայողների սոցիալական պաշտպանության վարչության պետ։ Եղել է ԵԿՄ Արագածոտնի մարզխորհրդի նախագահ։ 1995-1999 թվականներին՝ եղել է Ազգային Ժողովի պատգամավոր(թիվ 98 ընտրատարածք)։ Եղել է Ազգային ժողովի պաշտպանության, ազգային անվտանգության և ներքին գործերի մշտական հանձնաժողովի անդամ, պաշտպանության ենթահանձնաժողովի նախագահ։ Եղել է «Հանրապետություն» խմբակցության, ապա «Երկրապահ» պատգամավորական խմբի անդամ։ 1999 թվականի մայիսի 30-ին ընտրվել է Ազգային ժողովի պատգամավոր՝ 28 ընտրատարածքից։ Եղել է Ազգային ժողովի պաշտպանության, ազգային անվտանգության և ներքին գործերի մշտական հանձնաժողովի անդամ։ Եղել է «Միասնություն» խմբակցության անդամ, ապա «Հայաստան» պատգամավորական խմբի ղեկավար[1]։
Եղել է անկուսակցական[1]։
Անձնական կյանք
[խմբագրել | խմբագրել կոդը]Ամուսնացած է, ունի երկու երեխա։
Ծանոթագրություններ
[խմբագրել | խմբագրել կոդը]- ↑ 1,0 1,1 «National Assembly of Armenia | Official Web Site | parliament.am». www.parliament.am. Վերցված է 2021 թ․ հունվարի 5-ին.
|
