Միխայիլ Վոդոպյանովի հուշարձան
 | |
|---|---|
 | |
 | |
| Տեսակ | հուշարձան |
| Ստեղծում | օգոստոսի 17, 2013 |
| Բարձրություն | 4,8 մետր |
| Երկիր |  Ռուսաստան |
| Բնակավայր | Khodynka Field? և Մոսկվա |
| Շինության ձև | Հուշարձան |
| Նյութ | բրոնզ և գրանիտ |
| Ներկա վիճակ | Կանգուն |
Միխայիլ Վոդոպյանովի հուշարձան (ռուս.՝ Памятник Михаилу Водопьянову), խորհրդային օդաչու Միխայիլ Վոդոպյանովին (1899-1980) նվիրված հուշարձան Մոսկվայի Խոդինսկի դաշտում, Մ. Վ. Ֆրունզեի անվան նախկին կենտրոնական օդանավակայանի տարածքում։ Բացվել է 2013 թվականին։ Հուշարձանի հեղինակն է քանդակագործ Ալեքսանդր Գոլովաչյովը։ Հուշարձանը դասվում է «քաղաքային քանդակ» կատեգորիային[1]։
Պատմություն
[խմբագրել | խմբագրել կոդը]Հուշարձանի տեղադրման համար քաղաքային բյուջեից հատկացվել է 16,3 միլիոն ռուբլի[2]։ Բացվել է 2013 թվականի օգոստոսի 17-ին Խոդինսկի բուլվարում[3]։ Հուշարձանի բացման հանդիսավոր արարողությանը ներկա են գտնվել Խորհրդային Միության հերոս օդաչու Նիկոլայ Տիմոֆևիչ Անտոշկինը։ Ենթադրվում է, որ այս հուշարձանը կլինի Խոդինսկի դաշտում օդաչու-հերոսների ապագա ծառուղու առաջին հուշարձանը[4]։
Հուշարձանի ընդհանուր բարձրությունը 4,8 մետր է, քաշը՝ 2 տոննա[2]։ 3,3 մետր բարձրությամբ բրոնզե քանդակը տեղադրվել է 1,5 մետր բարձրությամբ պատվանդանի վրա[5]։ Վոդոպյանովը պատկերված է թռիչքային համազգեստով, ձախ ձեռքին քարտեզ ունի։ Հուշարձանը կանգնած է եռաստիճան կլոր հարթակի կենտրոնում՝ պատված գրանիտե սալերով։
Հուշարձանը հիշեցնում է, որ օդաչու Միխայիլ Վոդոպյանովն աշխարհում առաջինն էր, որն իջել է Հյուսիսային բևեռի սառույցի վրա։ Պատվանդանը կերտված է սառույցի մեծ բեկորների տեսքով։ Օդաչուի ձախ ձեռքի քարտեզի վրա նրա թռիչքի երթուղին է դեպի Հյուսիսային բևեռ։ Կլոր հենքը, որի կենտրոնում տեղադրված է հուշարձանը, խորհրդանշում է աշխարհը և Հյուսիսային բևեռը[5]։
Գրականություն
[խմբագրել | խմբագրել կոդը]- Памятники монументального искусства Москвы: справ. изд. / Департамент культурного наследия г. Москвы. - М.: ООО «Милк Эдженси», 2016. - 404 с.: с. 264. ISBN 978-5-9907078-1-8.
Ծանոթագրություններ
[խմբագրել | խմբագրել կոդը]- ↑ Вестник Мэра и Правительства Москвы № 65 ноябрь 2011 (2189)(չաշխատող հղում)
- ↑ 2,0 2,1 Памятник летчику Водопьянову появится на Ходынском поле в 2013 году - Москва 24, 22.11.2012
- ↑ В Москве открыли памятник легендарному полярнику Водопьянову // «Вести. Москва». 17 августа 2013
- ↑ Открытие памятника легендарному лётчику Водопьянову(չաշխատող հղում) // mreporter.ru
- ↑ 5,0 5,1 В субботу на Ходынском поле откроют памятник летчику Водопьянову - Москва 24, 15.08.2013