Մետալիստներ

Մետալիստներ
	բրիտանական մետալիստ
Ծագման վայր և ժամանակաշրջան՝	1970-ականներ;
Ծաղկման ժամանակաշրջան՝	1980-ականներ
Ուղղություն՝	երաժշտական
Տարածում՝	{{{տարածում}}}
Բնորոշ տարրեր՝
	Մետալ; Հեդբենգինգ
	Բայկերներ, Պանկ, Գոթ

Մետալիստներ, (անգլ․՝metalhead^[1] և headbanger^[2] )մետալ երաժշտության երկրպագուների ենթամշակույթ։ 1970-ական թվականին այս ենթամշակույթը երաժշտական ժանրի հետ միասին հայտնվել է ԱՄՆ-ում և Մեծ Բրիտանիայում, այն տարածվել է տարբեր երկրներում` կախված մետալի ենթաժանրերից։ Մետալիստների աշխարհհայացքը, արտաքինը, ինչպես նաև անձի ազատության և անհատականության զարգացումը տարբերվում են՝ կախված տարբեր իրավիճակներից, բայց, մեծամասամբ, կարևոր տարրեր են հագուստի ինքնատիպ ոճը՝ ոգեշնչված բայկերային ենթամշակույթից^[3]։

Նկարագրություն[խմբագրել | խմբագրել կոդը]

Մետալիստներն ունեն իրենց սեփական «Օտարացման մշակույթը»՝ կազմված ենթամշակույթին անդամակցելու չափորոշիչներից^[4]։ Դինի Վանշտեյնը իր «Ծանր մետալն ու նրա մշակույթը» գրքում հավաստիացնում է, որ «մետալը ռոք երաժշտության մյուս ժանրերից ավելի երկար է պահպանվել, մետալիստների ենթամշակույթի անընդմեջ զարգացման շնորհիվ, որը միշտ արդիական էր երիտասարդների շրջանակներում և մեկուսացված մեյնսթրիմից(հիմնական ուղղություն)»^[5]։ Մետալիստների ենթամշակույթը հիմնականում կազմված է արական սեռի ներկայացուցիչներից՝ նրանց բնորոշ վարքագծով։ Ենթամշակույթն իր մեջ ներառում է հասարակական դոգմաների և առևտրային փոխհարաբերությունների ժխտում, ինչպես նաև հավատարմություն երաժշտության և ենթամշակույթի այլ ներկայացուցիչների հանդեպ^[5]։

Չնայած նրան, որ մետալիստների մեծ մասը պատկանում են հետերոսեքսուալ միջին խավի սպիտակամորթ երիտասարդությանը, բայց այնուամենայնիվ նրանք հանդուրժողական են օտարների հանդեպ, ովքեր կիսում են իրենց գաղափարները, նախասիրությունները, վարքագծի դրսևորումը և կեցվածքը^[5]։ Մետալիստների ենթամշակույթի հիմնական գործունեությունն է մետալ խմբերի համերգների այցելությունը, տարբեր ամսագրերի և խմբերի ձայնասկավառակների գնումը, ինչպես նաև տարբեր մասնագիտացված ֆորումների և սոցիալական ցանցերի այցելությունը։ Մեծ նշանակություն ունի այցելությունը համերգներին, քանի որ այն ներկայացնում է ենթամշակույթի ներկայացուցիչների սերը դեպի և երաժշտություն և հարգանքը մյուս ներկայացուցիչների հանդեպ^[6]։

Կարևոր է նշել մետալ ամսագրերի կարևորությունը, որոնք օգնում են մետալիստներին տեղեկություններ գտնել իրենց սիրելի արտիստների վերաբերյալ, ինչպես նաև իմանալու ենթամշակույթում այդ օրվա խորհուրդը^[6]։

Մետալիստների ենթամշակույթին պատկանելու արտաքին նշաններն են երկար մազերը, կաշվե բաճկոնը, տարբեր խմբերի սիմվոլիկ նշանները, սեպերը և ծանր վզնոցները։ Այս ամենն ստեղծում է թիկնեղ, խիստ կեցվածք, որը խոսում է տվյալ ենթամշակույթի ինքնավստահության, ուժի մասին։ Սակայն կան մարդիկ, որոնց կեցվածքը չի համապատասխանում մետալիստների նորմերին, սակայն նրանք նույնպես ենթամշակույթի մաս են կազմում։

Փոխկապակցվածությունը սարսափ մշակույթի հետ[խմբագրել | խմբագրել կոդը]

Իր ստեղծման սկզբնական շրջանից մետալիստների ենթամշակույթը փոխկապակցված էր սարսափ մշակույթի և ռետրոֆանտաստիկայի հետ։ Բազմաթիվ մետալ խմբեր իրենց համար ընտրել են սիմվոլիկ անվանումներ՝ օկուլտականության, գիտաֆանտաստիկայի, սատանիզմի, միստիկայի ազդեցությամբ։ «Բլեք Սաբաթ» խումբն ի սկզբանե ոգեշնչված սև կախարդանքից և սարսափ ֆիլմերից, խմբի անունը ընտրվեց ի պատիվ «Սև շաբաթ» սարսափ ֆիլմի։

Iron Maiden (երկաթե կույս) խումբն իր նշանն է դարձրել Էդդի ննջեցյալին։ King Diamond(ադամանդե արքան) հայտնի է դարձել իր հայեցակարգային միստիկ ձայնասկավառակներով, մռայլ սարսափ շոուներով և սև-սպիտակ դիմահարդարմամբ։ Grave Digger (Գերեզմանափոր) խումբը հայտնի է դարձել իր երգերով, ձայնասկավառակներով, շապիկներով, որոնք ներկայացնում են «գերեզմանային ռոմանտիկա»։ Սև մետալի ի հայտ գալուց ի վեր «սարսափ մշակույթի» հետ մետալի կապը դարձավ ավելի ակնառու և որոշ դեպքերում բավականին էքստրեմալ՝ դուրս գալով արվեստի սահմաններից․ որոշ սև մետալիստներ լրջորեն զբաղված էին սատանիզմով և հակաքրիստոնեական վանդալիզմի փորձերով։

Ծանոթագրություններ[խմբագրել | խմբագրել կոդը]

↑ «Metalhead - Definition and More from the Free Merriam-Webster Dictionary». Merriam-webster.com. 2012 թ․ օգոստոսի 31. Վերցված է 2014 թ․ մայիսի 19-ին.
↑ «Headbanger - Definition and More from the Free Merriam-Webster Dictionary». Merriam-webster.com. 2012 թ․ օգոստոսի 31. Վերցված է 2014 թ․ մայիսի 19-ին.
↑ Heavy Metal: The Music And Its Culture, Revised Edition by Deena Weinstein Da Capo Press (April 4, 2000) ISBN 0-306-80970-2 ISBN 978-0-306-80970-5. Page 294
↑ Three profiles of heavy metal fans: A taste for sensation and a subculture of alienation. //Journal Qualitative Sociology. Publisher Springer Netherlands. ISSN 0162-0436 (Print) 1573-7837 (Online). Issue Volume 16, Number 4 / December, 1993. Pages 423—443
↑ ^5,0 ^5,1 ^5,2 Heavy Metal: The Music And Its Culture, Revised Edition by Deena Weinstein Da Capo Press (April 4, 2000) ISBN 0-306-80970-2 ISBN 978-0-306-80970-5
↑ ^6,0 ^6,1 Heavy Metal: The Music And Its Culture, Revised Edition by Deena Weinstein Da Capo Press (April 4, 2000) ISBN 0-306-80970-2 ISBN 978-0-306-80970-5

[1] «Metalhead - Definition and More from the Free Merriam-Webster Dictionary». Merriam-webster.com. 2012 թ․ օգոստոսի 31. Վերցված է 2014 թ․ մայիսի 19-ին.

[2] «Headbanger - Definition and More from the Free Merriam-Webster Dictionary». Merriam-webster.com. 2012 թ․ օգոստոսի 31. Վերցված է 2014 թ․ մայիսի 19-ին.

[3] Heavy Metal: The Music And Its Culture, Revised Edition by Deena Weinstein Da Capo Press (April 4, 2000) ISBN 0-306-80970-2 ISBN 978-0-306-80970-5. Page 294

[4] Three profiles of heavy metal fans: A taste for sensation and a subculture of alienation. //Journal Qualitative Sociology. Publisher Springer Netherlands. ISSN 0162-0436 (Print) 1573-7837 (Online). Issue Volume 16, Number 4 / December, 1993. Pages 423—443

[Heavy_Metal_2000-5] 5,0 ^5,1 ^5,2 Heavy Metal: The Music And Its Culture, Revised Edition by Deena Weinstein Da Capo Press (April 4, 2000) ISBN 0-306-80970-2 ISBN 978-0-306-80970-5

[ReferenceA-6] 6,0 ^6,1 Heavy Metal: The Music And Its Culture, Revised Edition by Deena Weinstein Da Capo Press (April 4, 2000) ISBN 0-306-80970-2 ISBN 978-0-306-80970-5

[1]

[2]

[3]

[4]

[5]

[6]