Մեջնուն Մամեդով
| Մեջնուն Մամեդով | |
 | |
| Ծննդյան օր՝ | սեպտեմբերի 15, 1983 (41 տարեկան) |
|---|---|
| Ծննդավայր՝ | Միջնավան, Զանգելանի շրջան (Ադրբեջանական ԽՍՀ), Ադրբեջանական ԽՍՀ, ԽՍՀՄ |
Մաջնուն Գադիր օղլի Մամեդով (ադրբ.՝ Məcnun Qadir oğlu Məmmədov, սեպտեմբերի 15, 1983, Միջնավան, Զանգելանի շրջան (Ադրբեջանական ԽՍՀ), Ադրբեջանական ԽՍՀ, ԽՍՀՄ), Ադրբեջանի Հանրապետության գյուղատնտեսության նախարար (2023 թվականից)[1]։
Կենսագրություն
[խմբագրել | խմբագրել կոդը]Մեջնուն Մամեդովը ծնվել է 1983 թվականի սեպտեմբերի 15-ին Զանգելանի շրջանի Մինջիվան գյուղում։ 2000-2004 թվականներին նա սովորել է Ադրբեջանի պետական տնտեսագիտական համալսարանի «Ֆինանսներ և վարկ» բաժնում և ստացել բակալավրի աստիճան։ Դրանից հետո նա ավարտել է Պակիստանի Լահորի կառավարման գիտությունների համալսարանի բիզնեսի կառավարման մագիստրատուրան։
2017 թվականին Մեջնուն Մամեդովը մասնակցել է ԱՄՆ-ի SABIT (Special American Business Internship Training) ծրագրին՝ գյուղատնտեսական բիզնեսի ոլորտում։
Մեջնուն Մամեդովը աշխատանքային գործունեությունը սկսել է «AER» ՍՊԸ-ում։ 2010-2011 թվականներին եղել է այդ ընկերության տնօրենը։ Հետագայում, 2011-2018 թվականներին, աշխատել է «Պաշա Հոլդինգ» խմբի «PMD Group» ընկերությունում տարբեր պաշտոններում։
Մեջնուն Մամեդովը նաև զբաղեցրել է տարբեր պաշտոններ «Modern Group», «Deloitte», «ABN AMRO Bank Kazakhstan» ընկերություններում։ 2018 թվականից եղել է «Agro Food Investment» ՍՊԸ-ի տնօրենը[2]։
2023 թվականի ապրիլի 14-ին Ադրբեջանի Հանրապետության նախագահ Իլհամ Ալիևի հրամանագրով Մեջնուն Մամեդովը նշանակվել է Ադրբեջանի Հանրապետության գյուղատնտեսության նախարար[3]։