Մարիա Էդվարդս
| Մարիա Էդվարդս | |
|---|---|
 | |
| Ծնվել է | դեկտեմբերի 11, 1893[1] |
| Ծննդավայր | Սանտյագո, Չիլի |
| Մահացել է | հունիսի 8, 1972[1] (78 տարեկան) |
| Մահվան վայր | Սանտյագո, Չիլի |
| Քաղաքացիություն |  Չիլի |
| Կրոն | կաթոլիկություն |
| Մասնագիտություն | social and health care assistant և սոցիալական աշխատող |
| Ծնողներ | հայր՝ Ագուստին Էդվարդս Ռոս |
| Պարգևներ և մրցանակներ | |
 María Edwards McClure Վիքիպահեստում | |
Մարիա Էդվարդս Մաքքլյուր (իսպ.՝ María Edwards Mac Clure, դեկտեմբերի 11, 1893[1], Սանտյագո, Չիլի - հունիսի 8, 1972[1], Սանտյագո, Չիլի, հայտնի է նաև որպես Մարիա դե Էդվարդս Էրրասուրիս, Մարիա Էրրասուրիս կամ Տիկին (Մադամ) Էրրասուրիս), Չիլիի քաղաքացի, ֆրանսիական Դիմադրության շարժման մասնակից, որը փրկել է հրեա երեխաների Հոլոքոստի ժամանակ։
Կենսագրություն
[խմբագրել | խմբագրել կոդը]Մարիա Էդվարդսը ծնվել է Սանտյագոյում, Ագուստին Էդվարդս Ռոսսի և Մարիա Լուիզա Մաքքլյուր Օսսանդոնի ընտանիքում։ Վաղ տարիքում ամուսնացել է դիվանագետ Գիլյերմո Էրրասուրիս Վերգարի հետ։ Հարսանիքից հետո նրանք տեղափոխվել են Փարիզ, որտեղ նրա ամուսինը զբաղեցրել է դիվանագիտական պաշտոն։ 1922 թվականին Գիլյերմոն ինքնասպանություն է գործել, իսկ Մարիան մնացել է ապրելու Ֆրանսիայում։ 1926 թվականին նա ամուսնացել է ֆրանսիացի գրող Ժակ Ֆեյդոյի հետ, սակայն շուտով նրանք բաժանվել են[2]։
Գերմանական օկուպացիայի ժամանակ Մարիա Էդվարդսն աշխատել է որպես բուժքույր Ռոտշիլդի հիվանդանոցում։ Նա դարձել է ֆրանսիական Դիմադրության շաժման անդամ և բազմիցս փրկել է հրեա երեխաների, որոնց նացիստները ծրագրել էին ուղարկել համակենտրոնացման ճամբարներ, որպեսզի հետագայում ոչնչացնեն[3]։ Մասնավորապես Մարիան փրկել է Բեթիին և Մարսել Ֆրիդմանին, որի մորն սպանել էին նացիստները[4]։
Գեստապոն ձերբակալել է Մարիային, նրան հարցաքննել են ու տանջել, սակայն նրա հրաշքով կարողացել է փրկվել։
Մարիա Էդվարդսը մահացել է 1972 թվականի հունիսի 8-ին Սանտյագոյում։
Պարգևներ
[խմբագրել | խմբագրել կոդը]1953 թվականի սեպտեմբերի 2-ին Մարիա Էդվարդսը պարգևատրվել է Պատվո լեգեոնի շքանշանով Ֆրանսիային մատուցած ծառայությունների համար։
2005 թվականին Աղետի և հերոսականության Յադ Վաշեմ ինստիտուտը Մարիա Էդվարդսին շնորհել է աշխարհի արդարակյացի կոչում[5]։ Պարգևատրման հանդիսավոր արարողությունը, որին ներկա են եղել Մարիա Էդվարդսի երկու թոռնուհիները, կայացել է 2006 թվականի նոյեմբերի 7-ին Սանտյագոյում Չիլիում Իսրայելի դեսպան Դավիթ Քոենի մասնակցութամբ[6]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 1,5 The Righteous Among the Nations Database
- ↑ Francisco Siredey. «Retrato de dos Marías» Արխիվացված 2016-03-05 Wayback Machine, El Semanal de La Tercera, 25.08.2013
- ↑ Entregarán condecoración a chilena que salvó a niños judíos en París Արխիվացված 2011-07-07 Wayback Machine Reshet Magazine retrieved June 21, 2008
- ↑ «Los Justos de las Naciones» (PDF) (իսպաներեն). Yad Vashem. Արխիվացված է օրիգինալից (PDF) 2015 թ․ ապրիլի 2-ին. Վերցված է 2015 թ․ մարտի 12-ին.
- ↑ «Righteous Among the Nations Honored by Yad Vashem» (PDF). Արխիվացված է օրիգինալից (PDF) 2013 թ․ սեպտեմբերի 3-ին. Վերցված է 2020 թ․ սեպտեմբերի 2-ին.
- ↑ Homenaje póstumo a María Edwards Mac Clure
Արտաքին հղումներ
[խմբագրել | խմբագրել կոդը]- Entregarán condecoración a chilena que salvó a niños judíos en París (իսպ.)
- «מריה אראסוריס - חסידי אומות העולם - יד ושם» (եբրայերեն). Yad Vashem. Արխիվացված է օրիգինալից 2015 թ․ ապրիլի 3-ին. Վերցված է 2015 թ․ մարտի 12-ին.
 | Վիքիպահեստն ունի նյութեր, որոնք վերաբերում են «Մարիա Էդվարդս» հոդվածին։ |
|
