Տերևաթափ թուփ է՝ 0,5-1 մ և ավելի բարձրությամբ։ Տերևիկները ներքևի կողմից մերկ են կամ ծածկված գեղձիկներով, մազմզուկապատ առանցքով։ Փշերը խոշոր են, ամուր, բացի այդ, ճյուղերի վրա կան նաև բարակ, մանր, խոզանանման փշիկներ։ Ծաղիկները խոնարհված են, խոշոր, վարդագույն, լիաթերթիկ։ Հիպանթիումը ձվաձև է, ամուլ։
Տերևներն օգտագործվում են վարդաջուր ստանալու և մուրաբա պատրաստելու համար։ Ծաղկում է հունիս-հուլիս ամիսներին, պտուղներ չի առաջացնում։ Ունի բազմաթիվ պարտիզային ձևեր, որոնք մեկը մյուսից տարբերվում են թփերի բարձրությամբ, ծաղիկների մեծությամբ և այլ հատկանիշներով[1]