Հակագազ, մարդու շնչառական օրգանները, աչքերն ու դեմքը թունավոր նյութերից, ռադիոակտիվ փոշուց և օդումգազի կամ գոլորշու ձևով գտնվող այլ նյութերից պաշտպանող հիմնական անհատական միջոց (սարք)։ Հակագազերը լինում են զտող (ներշնչվող օդը գտում, մաքրում Է վնասակար նյութերից) և մեկուսացնող (շնչառական օրգանները լրիվ մեկուսացնում Է արտաքին միջավայրից՝ շնչառությունը կատարվում Է հակագազի պարկուճում ռեգեներացվող օդով)։ Վերջինս օգտագործվում Է այն դեպքում, երբ զտող հակագազը պաշտպանություն չի ապահովում, օրինակ՝ շրջապատում թթվածնի պակասության դեպքում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 56)։
