Կրծքով կերակրելու միջազգային խորհրդանիշ
![](http://upload.wikimedia.org/wikipedia/commons/thumb/6/6f/Breastfeeding-icon-med.svg/200px-Breastfeeding-icon-med.svg.png)
![](http://upload.wikimedia.org/wikipedia/commons/thumb/b/be/Nursing_area_sign.png/220px-Nursing_area_sign.png)
Կրծքով կերակրելու միջազգային խորհրդանիշը պատկերում է երեխային կրծքով կերակրող կնոջը։ Այն նախագծվել է գրաֆիկական դիզայներ և հայր՝ Մեթ Դեյգլի, կողմից՝ ի պատասխան Mothering ամսագրի կողմից կազմակերպված մրցույթի[1]։ Հաղթողն ընտրվել է 2006 թվականի նոյեմբերին՝ ավելի քան 500 դիմումներից[2]։ Դեյգլը, ով ասել է, որ իր կինն ու որդին են եղել խորհրդանիշի ոգեշնչումը, սիմվոլի հեղինակային իրավունքը հրապարակել է որպես հանրային սեփականություն։
Մշակութային բազմազանությունը և անձնական շարժունակության աճը դրդել են հաղորդակցության համընդհանուր ձևերի ցանկությանը[3]։ Կրծքով կերակրելու միջազգային խորհրդանիշը ստեղծվել է գրաֆիկական արվեստի ամերիկյան ինստիտուտի խորհրդանիշ նշանների ոճով, որոնք սովորաբար հանդիպում են հասարակական վայրերում։ Նման նշանները նախատեսված են մարդկանց մեծամասնության կողմից մի հայացքով ընկալվելու համար՝ առանց գրավոր նկարագրությունների բացատրելու, թե ինչ են նշանակում դրանք[4]։
Կրծքով կերակրելու միջազգային խորհրդանիշը ստեղծվել է հանրային վայրերում օգտագործելու համար կրծքով կերակրելու համընդհանուր ընդունված և հասկանալի խորհրդանիշ չլինելու խնդրին անդրադառնալու համար։ Ժամանակակից պատկերագրությունը, որը ներկայացնում է մանկությունը, սովորաբար ներառում է արհեստական կերակրում կամ հանգստացնող առարկաներ, ինչպիսիք են կերակրելու շշի պատկերը կամ ծծակի խորհրդանիշը[5]։ կերակրելու սենյակներում հաճախ օգտագործել են մանկական շշի խորհրդանիշ՝ երեխային կերակրող մոր խորհրդանիշի փոխարեն։ Ենթադրվում է, որ խորհրդանիշի օգտագործումը կարող է օգտակար լինել շշով կերակրումից դեպի կրծքով կերակրելուը անցնելու համար[6]։
2007 թվականի հուլիսին բացվեց կրծքով կերակրելու խորհրդանիշի միջազգային կայքը[7]։
Խորհրդանիշի օգտագործման օրինակները ներառում են.
- 2008 թվականին ԱՄՆ Վաշինգտոն նահանգի South Sound Breastfeeding Network-ը խորհրդանիշը ցուցադրեց «Ողջունում ենք կրծքով կերակրելը» արշավում[8]։
- 2009 թվականին խորհրդանիշը փակցվել է ԱՄՆ Ֆլորիդա նահանգի Վինթեր Պարկ քաղաքի Chick-fil-A ռեստորանում ՝ հաճախորդի բողոքից հետո, որ ռեստորանի մենեջերը ապօրինաբար խնդրել է իրեն ծածկել երեխայի գլուխը կրծքով կերակրելու ժամանակ[9]։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ Mothering's Breastfeeding Symbol Contest Has a Winner.
- ↑ Mothering Magazine announces winner of International Breastfeeding Icon Design Contest. November 13, 2006.
- ↑ Hablamos Juntos
- ↑ Symbol Signs: Society & Environment: AIGA
- ↑ LLLI | Breastfeeding Myths Perpetuated by Culture, Society and the Health Care System.
- ↑ Governance through metaphor project – commentaries | Union of International Associations (UIA) Արխիվացված 2007-06-25 Wayback Machine
- ↑ «The International Breastfeeding Symbol». Արխիվացված է օրիգինալից 2007 թ․ սեպտեմբերի 29-ին. Վերցված է 2007 թ․ հուլիսի 17-ին.
- ↑ «South Sound Breastfeeding Network's Breastfeeding Welcome Here Campaign». Արխիվացված է օրիգինալից 2010 թ․ փետրվարի 8-ին. Վերցված է 2009 թ․ սեպտեմբերի 24-ին.
- ↑ Harris, Shay (2009 թ․ օգոստոսի 13). «Breastfeeding battle at Chick-fil-A». FOX 35 News. Վերցված է 2009 թ․ սեպտեմբերի 24-ին.