Կոմունիստական ռեժիմի զոհերի հուշահամալիր (Սոֆիա)
 | |
|---|---|
 | |
 | |
 | |
| Տեսակ | victims of communism memorial? |
| Ստեղծում | սեպտեմբերի 11, 1999 |
| Երկիր |  Բուլղարիա |
| Բնակավայր | Սոֆիա |
| Շինության ձև | հուշահամալիր |
| Ներկա վիճակ | կանգուն |
 Victims of Communism memorial, Sofia Վիքիպահեստում | |
Կոմունիստական ռեժիմի զոհերի հուշահամալիր Բուլղարիայում (բուլղար․՝ Мемориал на жертвите на комунистическия режим в България), ազգային հուշարձան Սոֆիայում, Բուլղարիայի հրապարակում։ Այն իրենից ներկայացնում է շինությունների համալիր (հուշապատ, հիշատակի խաչ և մատուռ)։ Կառուցվել է 1997-1999 թվականներին։
Նկարագրություն
[խմբագրել | խմբագրել կոդը]Հուշարձանը նվիրված է Բուլղարիայի կոմունիստական կուսակցության բոլոր զոհերի հիշատակին նրա ստեղծման պահից, 1919 թվականից մինչև 1989 թվականը, Տոդոր Ժիվկովի հեռացումը իշխանությունից։ Կոմունիզմի զոհերի թվին են դասվում, տեռորիստական ակտերի զոհերը (1925 թվականի ապրիլի 16 և այլն), աշխատանքային ճամբարների բանտարկյալները, բռնի տեղահանված անձինք։
Հուշարձանը կառուցվել է 1997-1999 թվականներին Կոմունիզմի զոհերի հուշահամալիրի հիմնադրամի կողմից (102 հիմնադիր)։ Շինարարությունը ֆինանսավորվել է մասնավոր նվիրատվությունների հաշվին։ Ներկայացված 15 նախագծերից մրցույթում հաղթել է ճարտարապետներ Աթանաս Տոդորովի և Դմիտրի Կրիստևի նախագիծը։ Հուշարձանը բացվել և օծվել է Սոֆիայի միտրոպոլիտ Իննոկենտիի կողմից 1999 թվականի սեպտեմբերի 11-ին[1]։
Հուշահամալիրը գտնվում է Սոֆիայի մշակույթի ազգային պալատի դիմաց, այգու արևելյան մասում։ Այն բաղկացած է երեք տարրերից՝
- 58 մ երկարությամբ հուշապատ՝ երեսապատված սև փայլեցված գրանիտով, որի վրա նշված են 7526 զոհվածների անունները
- Քրիստոնեական հիշատակի խաչ, որը տեղադրված է հուշապատի կենտրոնական մասում
- Փոքրիկ ուղղափառ մատուռ՝ նվիրված «Բոլոր բուլղարացի նահատակներին», որը ստեղծվել է Ասեն Գիցովի էսքիզային խճանկարի հիման վրա[1]
Սոֆիայի հուշահամալիրը միակ այդպիսի հուշարձանը չէ Բուլղարիայում։ 2001 թվականին Վառնայում բացվեց կոմունիզմի զոհերի հուշարձան՝ խաչի սյունի տեսքով[2]։ Ամեն տարի փետրվարի 1-ին երկու հուշահամալիրների տարածքում կազմակերպվում է կոմունիստական ռեժիմի զոհերի հարազատների և շահագրգիռ կազմակերպությունների հանդիպումներ, այդ օրը 1945 թվականին Ժողովրդական դատարանի վճռով մահապատժի ենթարկվեցին անչափահաս կայսեր խնամակալները, 22 նախարարներ, խորհրդարանի պատգամավորներ (2011 թվականից պաշտոնապես համարվում է Բուլղարիայի հանրապետության հիշատակի օր)[3][4]։
2019 թվականի հունվարին հուշահամալիրի հուշապատին անհայտ անձանց կողմից սև ներկով նկարվել է սվաստիկա[5]։
Ծանոթագրություններ
[խմբագրել | խմբագրել կոդը]- ↑ 1,0 1,1 Мемориал жертвам коммунизма (bg)
- ↑ «Памятник жертвам Коммунизма в Варне» (ռուսերեն). Варна. 2014 թ․ փետրվարի 2. Վերցված է 2019 թ․ փետրվարի 27-ին.
- ↑ «1 февруари - Ден за почит към жертвите на комунизма | Общество» (բուլղարերեն). offnews.bg. Վերցված է 2019 թ․ փետրվարի 27-ին.
- ↑ «В памет на жертвите на комунизма. Поклон пред Мемориала до НДК! | Dnes.bg» (բուլղարերեն). www.dnes.bg. Վերցված է 2019 թ․ փետրվարի 27-ին.
- ↑ «Оскверниха мемориала на жертвите на комунизма със свастики (снимки) | Общество» (բուլղարերեն). offnews.bg. Վերցված է 2019 թ․ փետրվարի 27-ին.
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Կոմունիստական ռեժիմի զոհերի հուշահամալիր (Սոֆիա) կատեգորիայում։ |