Լենո Աբգարյան
 | |
|---|---|
| Ծնվել է | դեկտեմբերի 21, 1925 |
| Ծննդավայր | Շինուհայր, Գորիսի շրջան, Հայկական ԽՍՀ, ԽՍՀՄ |
| Մահացել է | դեկտեմբերի 19, 2017 (91 տարեկան) |
| Մահվան վայր | Երևան, Հայաստան |
| Քաղաքացիություն |  ԽՍՀՄ և  Հայաստան |
| Կրթություն | Երևանի Մխիթար Հերացու անվան Պետական Բժշկական Համալսարան (1949) |
| Մասնագիտություն | բժիշկ |
| Գիտական աստիճան | բժշկական գիտությունների թեկնածու |
Լենո Թադևոսի Աբգարյան (դեկտեմբերի 21, 1925, Շինուհայր, Գորիսի շրջան, Հայկական ԽՍՀ, ԽՍՀՄ - դեկտեմբերի 19, 2017, Երևան, Հայաստան), բժիշկ-թոքաբան, բժշկական գիտությունների թեկնածու[1]։
Կենսագրություն[խմբագրել | խմբագրել կոդը]
Լենո Աբգարյանը ծնվել է 1925 թվականի դեկտեմբերի 21-ին, Գորիսի շրջանի Շինուհայր գյուղում։ 1949 թվականին կարմիր դիպլոմով ավարտել է Երևանի պետական բժշկական ինստիտուտը, որից հետո գործուղվել է Գորիս, աշխատել որպես թոքաբան-բժիշկ, հիմնադրել առաջին հակատուբերկուլյոզային դիսպանսերը 30 մահճակալով։ Այնուհետև ՀՀ առողջապահության նախարարության որոշմամբ, Լենո Աբգարյանը տեղափոխվել է Երևան, երկար տարիներ աշխատել է հանրապետական հակատուբերկուլոզային դիսպանսերում` որպես գլխավոր բժիշկ։ Կենսաթոշակի անցնելուց հետո մինչև կյանքի վերջ աշխատել է նույն դիսպանսերում որպես բաժնի վարիչ և հակատուբերկուլյոզային դիսպանսերի տնօրենի խորհրդական[1][2]։
Աշխատություններ[խմբագրել | խմբագրել կոդը]
Լենո Աբգարյանը իր մասնագիտության վերաբերյալ ունի 18 գիտական աշխատություն՝ տպագրված նախկին միութենական և հանրապետական գիտական մամուլում։ 1994 թվականից աշխատել է ՀՀ գյուղատնտեսության նախարարությունում, որպես ոռոգման ցանցերի վերանորոգման և վերակառուցման աշխատանքների ղեկավար[1]։
Պարգևներ[խմբագրել | խմբագրել կոդը]
2013 թվականին Հայաստանի Հանրապետության առողջապահության նախարարության կողմից ճանաչվել է «Տարվա բժիշկ»՝ «Հատուկ անվանակարգ» անվանակարգում[3]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 «Գորիսի հանրագիտարան», Էդուարդ Զոհրաբյան, Համլետ Միրզոյան, Երևան, 2008, էջ 4.
- ↑ «Գնահատական՝ մոմի պես «հալվելու» համար». www.hhpress.am. Վերցված է 2018 թ․ դեկտեմբերի 19-ին.
- ↑ Ամփոփվեց «Տարվա բժիշկ» հանրապետական մրցույթը