Զաանենյան այծերի ցեղ, կաթնատու ուղղության ցեղ, ընտանի այծի կաթնատու ցեղատեսակ[1], որը աշխարհում ամենամեծն է ու ունի ամենաբարձր բերքատվությունը[2]։ Ստացվել է 19-րդ դարի կեսին Շվեյցարիայում, Զաանե գետի հովտում։ Այծերը խոշոր են ամուր և չորուկ, լավ արտահայտված կաթնատու տիպի մարմնակազմվածքով, հիմնականում անեղջյուր են։ Նոխազների կենդանի զանգվածը 70-80, այծերինը 50-60 կգ է։ Բուրդը կարճ է, քստամազը՝ նուրբ, տարեկան միջին կաթնատվությունը 600-700 կգ է, կաթի յուղայնությունը՝ 3,5-4,5 %, պտղատվությունը՝ 180-250 %։ Ցեղը տարածված է Արևտակենտրոնական Եվրոպայում։ Մեծ ազդեցություն է թողնել Եվրոպայի, Ասիայի և Ամերիկայի մի շարք երկրների կաթնային այծաբուծության վրա։
Այս հոդվածի կամ նրա բաժնի որոշակի հատված վերցված է «Գյուղատնտեսական հանրագիտարանից», որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։
Անեղջյուր զաանենյան այծ, 1896 թվական
Զաանենյան այծ «Լուկոզ» այծերի ֆերմայում
Սպիտակ զաանենյան այծեր
