Երազահան

Երազահան,

Երազագետ, երազի նշանակությունը մեկնող։
Երազների մեկնության գիրք, որի մեջ այբբենական կարգով տրված են առարկաներն իրենց համապատասխան բացատրություններով։ Այս առումով գործածվում են նաև երազացույց և երազագիրք հասկացությունները։ Երազահանների վերաբերյալ տեղեկություններ են պահպանվել վաղ շրջաններից (Հին կտակարան, Մովսես Խորենացու «Պատմություն Հայոց»)։ Երազահանի երազացույցերի բեկորներ պահպանվել են բաբելական սեպագրերում։ Հայկական մատենագրության մեջ (գրչագիր և տպագիր) երազահաններ հանդիպում են ախտարական գրականության շարքում։ Գրչագիր երազահաններից հայտնի է «Աղէկախօս»-ը, որը 1222-թվականին Անիում արաբերենից հայերեն են թարգմանել Առաքել Անեցին, Մխիթար Կլելկանցին և Շերանը։

Արտաքին հղումներ

վանգա․ամ երազահան

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 533)։