Գոլեմ Գրադ (մակեդոներեն՝ Голем Град, նշանակում է Մեծ Ամրոց, հայտնի է նաև Օձի կղզի անվամբ), կղզի Մակեդոնիայի Հանրապետությունում։ Կղզու տարածքը կազմում է ավելի քան 20 հա[1]։ Գտնվում է Պրեսպա լճում՝ Հունաստանի ու Ալբանիայի հետ սահմանից մի քանի կիլոմետր հեռավորության վրա։ Գոլեմ Գրադում կան մի շարք հնագույն ավերակներ ու եկեղեցիներ։ Այնտեղ ապրում են նաև տարբեր կենդանիներ ու հատկապես օձեր[2]։ 2008 թվականի օգոստոսին կղզին բացվել է զբոսաշրջիկների համար[3]։
Գոլեմ Գրադի տարածքը կազմում է 20 հա։ Այն ունի 600 մ երկարություն ու 350 մ լայնություն[1]։ Կղզին ներկայումս անբնակ է։ Այդպիսին այն դարձել է 20-րդ դարի կեսերին, երբ կղզուց հեռացել է վանականների փոքր համայնքը։ Կղզի կարելի է հասնել միայն նավով։ Գոլեմ Գրադ կղզում ամենամոտը գտնվող բնակավայրը Կոնյսկո գյուղն է, որ տեղակայված է կղզուց 2 կմ հեռավորության վրա[1]։
Հյուսիսային Մակեդոնիա
