Գիտնականների տուն (Նիժնի Նովգորոդ)
 | |
|---|---|
 | |
| Տեսակ | կառույց և պատմության հուշարձան |
| Երկիր |  Ռուսաստան |
| Տեղագրություն | Նիժնի Նովգորոդ |
| Ժառանգության կարգավիճակ | Ռուսաստանի մարզային նշանակության մշակութային ժառանգության օբյեկտ |
 | |
 | |
| Պաշտոնական կայք | |
Գիտնականների տուն (ռուս.՝ Дом учёных, լրիվ անվանումը` «Նիժնի Նովգորոդի գիտա-տեղեկատվական կենտրոն» լրացուցիչ մասնագիտական կրթության պետական բյուջետային հիմնարկ), հանդիսանում է գիտա-տեխնիկական համայնքի զարգացման, գործարար կապերի և ժամանցի կենտրոն։
2016 թվականից կոչվում է «Նիժնի Նովգորոդի գիտա-տեղեկատվական կենտրոն» լրացուցիչ մասնագիտական կրթություն ՊՀ։
Պատմություն
[խմբագրել | խմբագրել կոդը]Հոկտեմբերյան փողոցի թիվ 25 շենքը կառուցվել է 19-րդ դարի վերջում՝ արհեստագործական խորհրդի համար։ 1920-ական թվականներին այն անցել է գիտա-տեխնիկական աշխատողներին։ 1937 թվականին որոշում է կայացվել նրա հենքի վրա ստեղծել Գիտնականների տուն։ 1976-2007 թթ. Նիժնի Նովգորոդի գիտնականների տունը ղեկավարել է Ռուսաստանի Դաշնության մշակույթի վաստակավոր գործիչ Տամարա Ֆեդորովնա Սկուդնովան[1]։
1999 թվականին Նիժնի Նովգորոդի շրջանի կրթության և գիտության վարչության կողմից ստեղծվել է Նիժնի Նովգորոդի գիտա-տեղեկատվական կենտրոնը։ Նիժնի Նովգորոդի գիտա-տեղեկատվական կենտրոնի տնօրենը Իրինա Նազարովան է[2]։
Կառուցվածք
[խմբագրել | խմբագրել կոդը]Կենտրոնի երեք հարկերում կա ցուցասրահ, 200 տեղանոց մեծ դահլիճ, 15 տեղանոց սաթե սենյակ, երեք լսարան (10-35 մարդ), համաժողովների սրահ, շնորհանդեսների սրահ և գրադարան։
Գործունեության ուղղություններ
[խմբագրել | խմբագրել կոդը]Կենտրոնը կազմակերպում է հետազոտողների գիտական և տեխնոլոգիական նախագծերի իրականացման և գիտելիքահենք բիզնեսի ձեռնարկման աշխատանքները։ Իրականացվում են գիտաշխատողների և մասնագետների հմտությունները բարելավելու ծրագրեր։
Ռոսպատենտի հետ համագործակցության շրջանակներում աջակցում է մտավոր սեփականության օբյեկտների, գյուտերի, ապրանքանշանների (լոգո, ապրանքանիշ) գրանցմանն ու զարգացմանը, հեղինակային իրավունքի պաշտպանությանը։
Օգնում է ներդրողներին գտնել բիզնեսի զարգացման նոր ուղղություններ, աջակցում բարձր տեխնոլոգիաների էլեկտրոնային փոխանակմանը, հրատարակում գիտության, տեխնոլոգիայի և նորարարությունների բնագավառի թերթեր[3]։
Մասնակցում է երիտասարդ գիտնականների, երիտասարդական ակումբների և ասոցիացիաների աշխատանքների կազմակերպմանը, իրականացնում է երիտասարդ գիտնականների ամենամյա համաժողովներ[4], տրամադրում կազմակերպչական աջակցություն ֆինանսական ռեսուրսների հետ առնչվող գիտատեխնիկական և նորարարական ծրագրերի իրականացման համար։
Կազմակերպում է գրադարանի աշխատանքները, իրականացնում շուրջ 40 հազար միավոր գրքերի պահպանում գիտական տարբեր բնագավառներում (փիլիսոփայություն, ֆիզիկա, մաթեմատիկա և բնական գիտություններ, տնտեսագիտություն, իրավագիտություն, պատմություն, արվեստ, լեզվաբանություն) և հայրենի ու արտասահմանյան հեղինակների գեղարվեստական ստեղծագործությունների պահպանում[5]։
Ծանոթագրություններ
[խմբագրել | խմբագրել կոդը]- ↑ «ОБ УСТАНОВКЕ МЕМОРИАЛЬНОЙ ДОСКИ СКУДНОВОЙ Т. Ф.». Արխիվացված է օրիգինալից 2016 թ․ սեպտեմբերի 16-ին. Վերցված է 2018 թ․ մարտի 26-ին.
- ↑ «Назарова Ирина Валентиновна». Արխիվացված է օրիգինալից 2016 թ․ սեպտեմբերի 13-ին. Վերցված է 2018 թ․ մարտի 26-ին.
- ↑ «Газета «Поиск-НН»». Արխիվացված է օրիգինալից 2016 թ․ մարտի 13-ին. Վերցված է 2018 թ․ մարտի 26-ին.
- ↑ «Сессия молодых учёных». Արխիվացված է օրիգինալից 2016 թ․ սեպտեմբերի 13-ին. Վերցված է 2018 թ․ մարտի 26-ին.
- ↑ «Библиотека». Արխիվացված է օրիգինալից 2018 թ․ մարտի 23-ին. Վերցված է 2018 թ․ մարտի 26-ին.
Արտաքին հղումներ
[խմբագրել | խմբագրել կոդը]- Прогулка по Дому учёных Արխիվացված 2016-03-04 Wayback Machine
- Нижегородский дом ученых. ул. Октябрьская. Красивые фото Нижнего Новгорода
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Գիտնականների տուն (Նիժնի Նովգորոդ) կատեգորիայում։ |