Բութանի տեքստիլի թանգարան

Բութանի տեքստիլի թանգարան
Տեսակ	տեքստիլի թանգարան
Երկիր	Բութան
Տեղագրություն	Թհիմփհու
Վայր	Թհիմփհու
Ղեկավարության նստավայր	Թհիմփհու, Բութան
Հիմնադրվել է	2001

Բութանի տեքստիլի թանգարան (անգլ.՝ Bhutan Textile Museum) կամ Տեքստիլի ազգային թանգարան, թանգարան, որը գտնվում է Բութանի Թհիմփհու քաղաքում, Բութանի ազգային գրադարանի հարևանությամբ։ Թանգարանը ղեկավարում է ազգային մշակութային հանձնաժողովը։ Հիմնադրման օրվանից` 2001 թվականին, թանգարանը հավաքել է բութանական տեքստիլների բացառիկ հնաոճ իրերի մեծ հավաքածու^[2]։

Ապագայում նախատեսվում է, որ թանգարանը կդառնա տեքստիլի հետազոտությունների կենտրոն, այն նաև կոչված է խթանելու Բութանի մշակույթի և պատմության ուսումնասիրությունը^[2]^[3]։

Պատմություն[խմբագրել | խմբագրել կոդը]

Բութանի տեքստիլի նշանակությունը բացատրվում է բազմաթիվ գործոններով՝ խրթին և բարդ նախշերով, արտադրության եղանակներով, կրոնական, պետական և հասարակական միջոցառումներում ունեցած դերով և դրա սրբազան նշանակությամբ^[3]։

Բութանի տեքստիլ թանգարանը ստեղծվել և հանդիսավորությամբ բացվել է 2001 թվականին, թագուհի Սանգայ Չոդեն Վանգչակի կողմից, որը նաև եղել է թանգարանի կուրատորը։ Թանգարանի ենթակառուցվածքների զարգացման համար հատկացվել է 165 000 դոլար։ Բութանի կառավարությունը և մասնավոր ներդրողները նույնպես օգնություն են ցուցաբերում թանգարանին, իսկ տեխնիկական աջակցություն է ցուցաբերել է Ամերիկյան Պիբոդի Էսեքս թանգարանը^[2]։

Թանգարանային հավաքածու[խմբագրել | խմբագրել կոդը]

Թանգարանը բաժանված է վեց գոտու՝ արտացոլելով տեքստիլ արվեստի ոլորտում ձեռքբերումները, տեքստիլի դերը կրոնում, տեղական մանրաթելերից պատրաստված տեքստիլները, արքայական հավաքածուն և գործվածքների արտադրությունը^[4]։ Թագավորական թանգարանի հավաքածուն պարունակում է մեծ թվով անգին հնաոճ իրեր, ներառյալ թագավորական պսակը, հագուստ և պարագաներ Բութանյան թագավորներից, Tsamdrak Goenpa-ի մարգարիտներով ասեղնագործված խարազան, Նորին մեծություն Շաբդրունգա Ջիգմե Ջորջիի անկողնային պարագաները^[4]։

Որոշ բացառիկ ցուցանմուշներ թանգարանին ներկայացրել են Նորին մեծություն մայր-թագուհի Սանգայ Չոդեն Վանգչակը և այլ անհատներ. արքայական թագի առաջին նախատիպը, Բութանի առաջին և երկրորդ թագավորների կրած բրոքադային թիկնոցը, առաջին արքա Աշի Վանգմոնի քրոջ պսակը^[2]։

Թանգարանի առաջին հարկում կան մանելու հմտությունների, մանրաթելերի ներկման, ջուլհակի պատրաստման և մանվածքների երկու կտորների ցուցադրություններ։ Երկրորդ հարկում կա դեկորատիվ գործվածքների և դրանցից պատրաստված ապրանքների ցուցադրություն^[4]։ Թանգարանն ունի բութանցի տղամարդկանց և կանանց ավանդական հագուստի ցուցադրություն, ինչպես նաև` հատուկ կրոնական տոների համար հարմարեցված հագուստ^[4]։

Ցուցադրություն[խմբագրել | խմբագրել կոդը]

Թանգարանում անցկացվում են գործվածքների լավագույն դիզայնի մրցույթներ։ Լավագույն հյուսվածքն ընտրում են թանգարանի այցելուները։ Թանգարանը նախատեսում է անցկացնել տեքստիլի փառատոն^[2]։

Հյուսողների, վաճառողների և արվեստագետների հետաքրքրությունը սատարելու համար թանգարանում տեղի են ունենում գործվածքների աճուրդներ։ Աճուրդում նախնական գինը որոշում է հյուսողը, իսկ վաճառքից ստացված շահույթը բաժին է ընկնում թանգարանի գանձարանին։ Թանգարանում անընդհատ աշխատում են երկու ջուլհակներ, որոնք ցուցադրում են արտադրանքի պատրաստման գործընթացը^[2]։

Ծանոթագրություններ[խմբագրել | խմբագրել կոդը]

↑ GeoNames — 2005.
↑ ^2,0 ^2,1 ^2,2 ^2,3 ^2,4 ^2,5 Музей текстиля в Тхимпху — сохранение и развитие национального достояния
↑ ^3,0 ^3,1 ««Бутанский музей текстиля»». Արխիվացված է օրիգինալից 2011 թ․ հուլիսի 7-ին. Վերցված է 2021 թ․ մայիսի 4-ին.
↑ ^4,0 ^4,1 ^4,2 ^4,3 «Бутанский музей текстиля». Himalaya2000.

Արտաքին հղումներ[խմբագրել | խմբագրել կոդը]

[_29c259357d961fda-1] GeoNames — 2005.

[one-2] 2,0 ^2,1 ^2,2 ^2,3 ^2,4 ^2,5 Музей текстиля в Тхимпху — сохранение и развитие национального достояния

[two-3] 3,0 ^3,1 ««Бутанский музей текстиля»». Արխիվացված է օրիգինալից 2011 թ․ հուլիսի 7-ին. Վերցված է 2021 թ․ մայիսի 4-ին.

[three-4] 4,0 ^4,1 ^4,2 ^4,3 «Бутанский музей текстиля». Himalaya2000.

[1]

[2]

[3]

[4]