Բերկշիրյան խոզ
Բերկշիրյան խոզ, խոզերի վաղահաս ցեղատեսակներից։ Բազմացրել են Բերկշիրյան կոմսությունում տեղի ուշահաս խոշոր խոզերի և վաղահաս արու խոզերի խաչասերման ճանապարհով, մասամբ սիամական և չինական ցեղատեսակների հետ։ ՈՒնեն լայն և ուղիղ մեջք։ Ոտքերը կարճ են։ Ազդրը հասնում է մինչև կարճ և ամուր ոտքերի ցատկելու հոդերը։ Դունչը համեմատաբար կարճ է՝ վեր ցցված քթով[1]։ Սկզբում բերկշիրյան խոզերը եղել են կարմրավուն կամ ավազոտ-դարչնագույն, երբեմն `բծերով[2][3]։
1700-ականներին բուծողները բերկշիրյան խոզերի խաչասերումն իրականացրել են բրիտանական գյուղատնտեսության մեջ հայտնված չինական և սիամական խոզերի հետ։ Դրանից հետո վերջիններս ստացել են սև մաշկի գույն, ոտքերի, քթի և պոչի հատվածներում՝ սպիտակ։ Պտղաբերությունը կազմում է 8-9 խոճկորներ։ Կենդանի քաշը 200-250 կգ է։ Մատղաշների օրական միջին քաշաճը կազմում է 600-700 գ.:
Որպես սնունդ
[խմբագրել | խմբագրել կոդը]Բերկշիրյան խոզերի միսը գնահատվում է հյութեղ, համեղ և ծամելու համար դյուրին։ ՈՒնի վարդագույն երանգ։ Ճարպի բարձր պարունակության շնորհիվ միսը կարելի է եփել երկար և բարձր ջերմաստիճանով[4]։ Ըստ Այովայի պետական համալսարանի սննդի գիտության պրոֆեսոր Քենեթ Պրուսայի, pH-ի պարունակությունը մսում մի փոքր բարձր է։ Վերջինս միսը դարձնում է ավելի մուգ, պինդ և համեղ։ Մսի համային ընդհանուր հատկանիշները բնութագրելիս հաշվի է առնվում ավելի շատ pH-ի բարձր քանակություննը, քան ճարպ պարունակությունը մսում[5]։
Նախկին ԽՍՀՄ երկրներում
[խմբագրել | խմբագրել կոդը]Բազմանում են Կենտրոնական և Հարավային Ղազախստանի տնտեսություններում։ Ռուսաստանում առկա չեն եղել 1970 թվականից, չնայած բերկշիրյան խոզերը փորձարկվել են լիվենյան, հյուսիսկովկասյան, կեմերովյան ռուսական ցեղատեսակների աճեցման համար ։
ԱՄՆ-ում
[խմբագրել | խմբագրել կոդը]Միացյալ Նահանգներում Բերկշիրյան ամերիկյան ասոցիացիան, որը հիմնադրվել է 1875 թ.-ին, բերկշիրյան է ճանաչում միայն այն խոզերին, որոնք ուղղակիորեն ներմուծվում են հաստատված անգլիական նախիրներից կամ նրանցից, որոնք ուղղակիորեն սերում եմ այդպիսի ներմուծված կենդանիներին[4]։ Ասոցիացիան խոզերի առաջին ռեգիստրն է որը ստեղծվել է, և առաջին խոզուկը գրանցվել է «Ace of Spades» անվանումով է եղել, որ որը բուծել է Վիկտորիա թագուհին[6]։
Պատկերասրահ
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ Ekarius, Carol (2009 թ․ փետրվարի 19). «Berkshire Pigs For Small Farms».
- ↑ American Berkshire Association (1996 թ․ ապրիլի 18). «Breeds of Livestock - Berkshire Swine».
- ↑ Berkshire - New Zealand Pig Breeders Association website
- ↑ 4,0 4,1 Zeldes, Leah A. (2010 թ․ հունվարի 27). «Eat this! Berkshire pork, a meaty heritage». Dining Chicago. Chicago's Restaurant & Entertainment Guide, Inc. Արխիվացված է օրիգինալից 2010 թ․ փետրվարի 1-ին. Վերցված է 2010 թ․ հունվարի 27-ին.
- ↑ Premium (High-End) Pork Cooks Illustrated, July, 2011
- ↑ «History – American Berkshire Association» (ամերիկյան անգլերեն). Արխիվացված է օրիգինալից 2019 թ․ մայիսի 28-ին. Վերցված է 2019 թ․ մայիսի 28-ին.
Գրականություն
[խմբագրել | խմբագրել կոդը]- Беркширская порода, ссылка=http://knowledge.su/b/berkshirskaya-poroda, автор=В. Д. Кабанов
- Kazakhstan : nat︠s︡ionalʹnai︠a︡ ėnt︠s︡iklopedii︠a︡. Almaty: Glavnai︠a︡ redakt︠s︡ii︠a︡ "Qazaq ėnt︠s︡iklopedii︠a︡sy". 2004-2006. ISBN 9965-9389-9-7. OCLC 70249814.
- Беркширская порода свиней //
- Сельскохозяйственный энциклопедический словарь. — М.: Советская энциклопедия, 1989. Из БРЭ:
- Кабанов В. Д., Тереньтьева А. С. Породы свиней. — М., 1985.
- Кабанов В. Д. Свиноводство. — М., 2001.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 425)։ |