Արծրուն Գալստյան
| Արծրուն Գալստյան | |
|---|---|
| Ծնվել է | 1925 |
| Ծննդավայր | Սամաղար, Հայաստան |
| Քաղաքացիություն |  ԽՍՀՄ |
| Կրթություն | Հայկական պետական մանկավարժական համալսարան (1956) |
| Մասնագիտություն | մանկավարժ |
| Աշխատավայր | Գիտելիք |
Արծրուն Ստեփանի Գալստյան (1925, Սամաղար, Հայաստան), հայ մանկավարժ, Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) գործողությունների մասնակից։
Կենսագրություն[խմբագրել | խմբագրել կոդը]
Արծրուն Գալստյանը ծնվել է 1925 թվականին, Էջմիածնի շրջանի Սամաղար գյուղում։ 1942 թվականին միջնակարգ դպրոցն ավարտելուց հետո զբաղվել է ուսուցչական աշխատանքով։ Գերմանա-խորհրդային պատերազմի ծանր օրերին զորակոչվել է կարմիր բանակ։ Կռվել է Գայի անվան «Երկաթյա դիվիզիա»-ի շարքերում։ Գալստյանը մասնակցել է մի շարք ճակատամարտերի, որոնցից մեկում ծանր վիրավորվել է, և բժիշկները ստիպված են եղել վիրահատել և հեռացնել նրա աջ ոտքը։
Տուն վերադառնալով աշխատանքի է անցել Սամաղարի դպրոցում։ 1952-1956 թվականներին սովորել է Խաչատուր Աբովյանի անվան պետական մանկավարժական ինստիտուտի ֆիզիկա-մաթեմատիկական ֆակուլտետում։ Որպես դասախոս աշխատել է «Գիտելիք» ընկերությունում[1]։
Պարգևներ[խմբագրել | խմբագրել կոդը]
- Հայրենական մեծ պատերազմի 2-րդ աստիճանի շքանշան[1]