Գիտելիք (ընկերություն)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Գիտելիք (այլ կիրառումներ)
Գիտելիք
Տեսակհասարակական կազմակերպություն
ԵրկիրFlag of the Soviet Union (1924–1955).svg ԽՍՀՄ
Հիմնադրված1947

Գիտելիք ընկերություն, կամավոր հասարակական կազմակերպություն, կոչված է գիտական և քաղաքական գիտելիքներ տարածելու և նպաստելու աշխատավորության կոմունիստական դաստիարակությանը։ Հիմնադրվել է 1947 թվականին։ Մինչև 1963 թվականը կոչվել է Քաղաքական և գիտական գիտելիքների տարածման համամիութենական ընկերություն։ Գլխավոր ղեկավար մարմինը՝ վարչությունը, ընտրվում է համամիութենական համագումարում՝ 4 տարի ժամկետով։ Վարչության առաջին նախագահը ակադեմիկոս Ս․ Ի․ Վավիլովն էր, 1966 թվականից՝ ակադեմիկոս Ի․ Ի․ Արաոբոլևսկին։ Միավորում է միութենական հանրապետությունների 15 ընկերությունները՝ ինքնավար հանրապետությունների, երկրամասերի, մարզերի, ազգային օկրուգների, քաղաքների և շրջանների իրենց կազմակերպություններով։ Սկզբնական կազմակերպություններ են ստեղծված գիտական հիմնարկներում, ուսումնական հաստատություններում, ձեռնարկություններում։ 1972 թվականին ուներ 2456 հազար անդամ, այդ թվում՝ 1700 ակադեմիկոս և թղթակից անդամ, 107 հազար դոկտոր և գիտությունների թեկնածու, պրոֆեսոր և դոցենտ։ 1972-ին Գիտելիք ընկերությունը պարգևատրվել է Լենինի շքանշանով։ Բոլոր գիտությունների գծով Գիտտլիքը կազմակերպում է հրապարակային դասախոսություններ, գիտական զեկուցումներ և կոնֆերանսներ, սեմինարներ, ժողովրդական ընթերցումներ, մասնակցում է ռադիոյով և հեռուստատեսությամբ գիտության պրոպագանդմանը, գիտական և գիտահանրամատչելի ֆիլմերի ստեղծմանը։ 1970 թվականին Գիտելիքի անդամները կարդացել են 18,5 միլիոն դասախոսություն, որին մասնակցել է 950 միլիոն մարդ։ Գիտելիքի տրամադրության տակ են Մոսկվայի պոլիտեխնիկական թանգարանը, կենտրոնական պոլիտեխնիկական գրադարանը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 80 CC-BY-SA-icon-80x15.png