Առյուծի արձանիկ (մ․թ․ա․ 7-րդ դար, Սյունիք)
Առյուծի արձանիկ, ձուլածո արձանիկ՝ գտնված Սյունիքի մարզկենտրոն Կապանին մերձակա Սզնակ գյուղում։ Պահպանվում է Գորիսի երկրագիտական թանգարանում։ Թվագրվում է մ.թ.ա.7-րդ դարով։
Բնութագիր[խմբագրել | խմբագրել կոդը]
Արձանիկը կշռում է 5,5 կգ։ Ունի 7,5 սմ լայնություն և 13 սմ բարձրություն։ Առջևի թաթից մեկը բացակայում է։ Պահպանվածությունը՝բավարար։ Հայտնաբերվել է 1944 թ․։
Ուրարտական դարաշրջանով թվագրվող արվեստի այս նմուշի հայտնաբերումը Սյունիքում ևս փաստում է, որ Սյունիքը ներառնված է եղել Վանի թագավորության մեջ։ 2007-թ․ Հայկական մշակույթի օրեր միջպետական ծրագրի շրջանակում վեց ամիս շարունակ ցուցադրվել է Ֆրանսիայում[1] Լուվրի թանգարանում "Armenia Sacra" ցուցադրության շրջանակներում[2]։ Մ․թ․ա․ 17-16-րդ դդ․ առյուծի արձանիկ է հայտնաբերվել Օշականում և մ․թ․ա․ 14-15-րդ դդ․ թվագրվող առյուծի արձանիկ՝ Դվինում։
Ծանոթագրություններ[խմբագրել | խմբագրել կոդը]
- ↑ Օնիկ Խնկիկյան, Հայաստանի հնագիտություն (Հին քարի դարից մինչև Վանի թագավորության անկումը)։ Երևան, 2009
- ↑ "Armenia Sacra" ցուցադրության կայքէջ
Գրականություն[խմբագրել | խմբագրել կոդը]
- Armenia Sacra, Mémoire chrétienne des Arméniens (IVe-XVIIIe siècle), 2007
- Onik Khmkikyan, Syunik during the bronze and iron ages, N. Y., 2002 թ․